Markus 13:6 - Porjanjian Boharu Torjomahan Baso Dilakng Soari-ari

⁶ Obai banya' urakng tajahan datakng inyo mongaku' dirinyo Aku. Sia' tajahan bopandir, ‘Aku nam Rajo Inyo Dijanjian Allah!’ Sia' tajahan monipu urakng banya'.

Markus 13:6 ပူးပေါင်းရင်းမြစ်များ

Markus 13:22

Obai, tajahan ado boko urakng datakng inyo ngaku' dirinyo nantai Rajo Inyo Dijanjian Allah. Apo sia' kinyo bondar. Tajahan ado boko nabi palsu jam. Boko rajo palsu agatn boko nabi palsu nantai tajahan mombulah somuo macapm mujisat pakai' mombulah urakng monjadi sosat. Soumpamonyo mungkitn sia' pan honda' mombulah boko urakng inyo dipilih Allah monjadi sosat jam.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

Yohanes 8:24

Nantai sobabnyo Aku bopandir ko kaitn obai kaitn paca'an mati di dalapm boko dosa kaitn. Obai, aman kaitn co pocayo Aku ninam Sio Inyo Ado, jadi kaitn paca'an mati di dalapm dosa kaitn.”

Yohanes 5:43

Aku datakng dalapm damo Bopai-Ku, apo kaitn monula' Ku. Padohal, soandainyo ado urakng bukai inyo datakng bayo mowakili dirinyo siku', kaitn tajahan monorima' io.

Matius 24:11

Banya' nabi palsu paca'an datakng huatan monyosat'an urakng banya'.

Matius 24:5

Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

Markus 13:5

Timbas Yesus ko sia', “Boboi'cam! Jangan sampai kaitn monjumpati boko urakng inyo salah.

Markus 13:7

Kaitn tajahan mondinga' lotup poparakan huatan borito mongona'i poparakan. Apo jangan gola'. Somuonyo nantai gola' tojadi. Apo nian kinyo boroti dunia tajahan boahir dalapm watu inyo dampikng.

Yohanes 8:28

Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.