Markus 13:34 - Porjanjian Boharu Torjomahan Baso Dilakng Soari-ari

³⁴ Koadaannyo samo sama'an kisah ni'in: Ado siku' habakng inyo moninggalan rumahnyo lalu botula' ko doerah inyo jouh. Io moonji'i tugas ko siku'-monyiku' hulutnnyo pakai' monyiuh sia' mourus rumahnyo. Io moonju' porintah ko urakng inyo monjago lawakng, oca' bojago boboi'.

Markus 13:34 ပူးပေါင်းရင်းမြစ်များ

Yohanes 10:3

Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Kolose 3:24

Ingantcam! Kaitn paca'an monorima' borokat doi' Tuhatn. Sobondarnyo, kaitn molayati Kristus. Sio nantai Tuhatn kaitn.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

Matius 16:19

Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

Kolose 4:1

Ko somuo habakng aku bopandir: kaitn gola' moulahan boko hulutn kaitn agatn bondar huatan adil. Ingantcam! Kaitn pan ado Habakng di sorugo inyo bokuaso di kaitn.

Roma 13:6

Nianam alasan kaitn gola' mombayar pajak. Obai, Allah momakai pomorintah pakai' mourus somuo hal nantai.