Markus 13:14 - Porjanjian Boharu Torjomahan Baso Dilakng Soari-ari

¹⁴ Yesus bopandir, “Ado totulis di dalapm Buku Suci mongona'i siku' urakng jahat inyo mombonasoan. Urakng nantai tajahan bodiritn di tompat inyo kinyo cucu' pakai' inyo.” (Catatan pakai' urakng inyo mombaco ni'in: Porotian cam oca' ulih momahami rotinyo). Yesus molajuan pandir-Nyo, “Aman kaitn moniant hal nantai bondaram, soboi'nyo boko urakng di doerah Yudea gola' morarian diri ko boko bukit.

Markus 13:14 ပူးပေါင်းရင်းမြစ်များ

Wahyu 13:18

Mongona'i hal ni'in gola' ado hikmat. Urakng inyo pintar-corodi' ulih morotian masud doi' angka' nantai, obai angka' nantai ia'an damo siku' urakng. Angka'nyo ia'an 666.

Wahyu 1:3

Diborokati urakng inyo mombaco huatan inyo mondinga'an boko posatn doi' Allah ni'in. Diborokati somuo urakng inyo monuruti boko hal inyo ditulis di dalapmnyo. Obai, watunyo co manah agi' somuonyo ni'in paca'an tojadi.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

Matius 13:51

Lalu Yesus botakutn ko boko murid-Nyo, “Kata'an kaitn mongoroti somuonyo nantai?” Sia' monimbas, “Au, koi mongoroti.”