Markus 13:11 - Porjanjian Boharu Torjomahan Baso Dilakng Soari-ari

¹¹ Watu kaitn ditangkap lalu dibaba' ko pongadilan, jangan kuatir mongona'i pomandiran inyo tajahan kaitn pandiran pakai' mombela diri kaitn. Obai, watu nantai, Roh Allah tajahan moonji'i kaitn pomandiran. Jadi, watu nantai, bukainyo kaitn inyo bopandir, apo Roh Allah di dalapm kaitn inyo bopandir.

Markus 13:11 ပူးပေါင်းရင်းမြစ်များ

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

1 Korintus 2:13

Watu koi mongajar, koi mongajar mongona'i somuo koboi'an Allah nantai. Koi momakai pomandiran inyo diajari Roh Allah, bukai pomandiran inyo diajari kopintar-corodi'an monsio. Koi monjolasan boko hal mongona'i Allah nantai ko boko urakng inyo udah monorima' Roh Allah.

Yakobus 1:5

Aman ado inyo kurakng pintar-corodi', io gola' minto doi' Allah. Lalu, Allah paca'an moonji'i pintar-corodi'. Obai, Allah gala' moonji'i ko somuo urakng. Sio co monyalahan urakng inyo minto.

Efesus 3:5

Pado joman komai, Allah kinyo momandiran roncana-Nyo nantai ko monsio. Apo watu ni'in, Sio momakai Roh-Nyo pakai' momadahannyo ko boko rasul ongko boko nabi inyo Sio pilih husus pakai' molayati Sio.

Kisah Boko Rasul 4:31

Lopas jadi bodoa, tompat sia' bokumpul nantai boguyakng. Roh Allah monguaso'i sia' somuo, jadi sia' mongkitn borani momboritoan pomandiran Allah.

Kisah Boko Rasul 2:4

Roh Allah moisi'i somuo sia', ongko bulah sia' masikng-masikng bopandir pakai boko baso inyo bukai mombuka'i doi' baso sia' siku'.

Kisah Boko Rasul 3:13

Urakng inyo kaitn tiat huatan udah kaitn konal ni'in nyamanam agatn kuaso Yesus. Io nyamanam obai io huatan koi samo-samo pocayo ko kuaso Yesus. Allah udah bulah Yesus sangant tohormat. Yesus nantai Hulutn Allah, Allah inyo disombah angki-bayatn kito Abrahapm, Ishak ongko Yakub. Apo kaitn mombaba' Yesus ko gubernur Pilatus oca' Sio dihukupm mati. Pilatus nantai udah momotusan pakai' mombebasan Sio. Apo kaitn monula' Sio ongko minto oca' Pilatus mombebasan siku' urakng pombunuh pakai' kaitn daripado mombebasan Yesus. Sio nantai Inyo Suci huatan Inyo Bondar. Jadi, sobondarnyo kaitn mombunuh Sio inyo Puku' hidup. Apo Allah udah bulah Sio hidup agi' doi' komatian. Koi duo udah tohu hal nantai bondar obai koi tiat agatn mato kopala' koi siku'.

Yohanes 3:27

Timbas Yohanes, “Conyiant siku' urakng pan inyo ulih monguti' la'apo pan aman Allah kinyo moonju'nyo.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Matius 10:17

Boboi'cam! Obai ado boko urakng inyo paca'an monangkap kaitn ongko mombaba' kaitn ko hadapan boko majelis agama pakai' diadili. Sia' paca'an moncambuk kaitn di boko rumah sombayakng.

Kisah Boko Rasul 7:55

Apo watu nantai Roh Allah ado pado Stefanus. Io monongadah ko langit, moniant cohayo doi' Allah. Io moniant Yesus tongahan bodiritn di tompat inyo palikng tohormat, ia'an di sopia' kanan Allah.

Kisah Boko Rasul 6:15

Somuo urakng inyo dudu' di dalapm pokaro kolompok pomimpitn urakng Yahudi nantai moncorona'i Stefanus. Sia' moniant muhonyo bocohayo sama'an muho molekat.

Markus 13:12

Nononyo tajahan tojadi obai ado urakng monyorahan somadikan sia' pakai' dibunuh. Ubo nian jam, bopai tajahan monyorahan ana'nyo pakai' di bunuh. Boko bobia' tajahan molawatn huatan monyorahan bopai agatn indai sia' pakai' di bunuh.

Lukas 21:12

Apo, sobolupm somuo nantai tojadi, kaitn paca'an ditangkap ongko didorako'i obai kaitn nantai murid-Ku. Kaitn paca'an diadili di boko rumah sombayakng ongko ditamoan ko dalapm ponjara. Kaitn tajahan dibaba' ko boko rajo huatan ko boko ponguaso pakai' diadili jam.