Markus 13:10 - Porjanjian Boharu Torjomahan Baso Dilakng Soari-ari

¹⁰ Apo Kabar Boi' gola' diboritoan kosomuo banso holu'ai.

Markus 13:10 ပူးပေါင်းရင်းမြစ်များ

Matius 24:14

Kabar Boi' mongona'i Koraja'an Allah paca'an diboritoan di soluruh dunia oca' somuo urakng mondinga'nyo. Lopas nian, hoyu' datakng ahir joman.”

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Wahyu 14:6

Lopas nian aku moniant siku' urakng molekat bukai inyo trobakng tinggi di langit. Molekat nantai mombaba' Kabar Boi' inyo bolaku pakai' somanah-manahnyo. Io momboritoan Kabar Boi' nantai ko somuo urakng inyo bodiapm di bumi, ia'an boko urakng doi' sotiap banso, sotiap suku, sotiap baso, sotiap negara.

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

Roma 10:18

Apo ubo apo agatn urakng Yahudi? Kata'an sia' bolupm kalo mondinga' Kabar Boi' nantai ai? Pasti sia' udah mondinga'am nantai! Samo sama'an pomandiran ni'in inyo totulis di Buku Suci: “Boko monsio udah momboritoan ko soluruh dunia. Pomandiran sia' udah tosebar ko soluruh dunia.”

Markus 16:15

Lalu Sio bopandir ko sia', “Botula'cam ko soluruh dunia. Boritoancam Kabar Boi' kosomuo urakng.

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

Matius 12:41

Watu Ari Ponghakipan nononyo, boko urakng Niniwe paca'an bobali' hidup huatan mohakipi boko urakng joman ni'in. Obai, boko urakng Niniwe komai botongga' bulah dosa sia' kali sia' mondinga' borito inyo dibaba' Yunus. Apo di si'itn ado inyo lobih bokuaso daripado Yunus.