Markus 12:7 - Porjanjian Boharu Torjomahan Baso Dilakng Soari-ari

⁷ Apo, boko potani ponyewa nantai bopandir di antaro sosamo sia', ‘Io nantai nononyo inyo monjadi puku' kobutn ni'in aman bopainyo udah mati. Mara am, kito mombunuh io oca' kobutn ni'in monjadi umputn kito!’

Markus 12:7 ပူးပေါင်းရင်းမြစ်များ

Matius 2:16

Timpu Herodes tohu obai boko urakng majus nantai udah mongontumbukinyo, io kotakng godi. Lalu, io monyiuh oca' somuo bobia' lolaki di kota Betlehem ongko sokitarnyo dibunuhi, ia'an boko bobia' inyo boumur di babah duo tohutn. Io mompokiroan umur Bobia' nantai doi' kotorakan boko urakng majus nantai, doi' watu sia' moniant bintakng inyo timbul nantai.

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Markus 12:12

Boko pomimpitn agama udah mongoroti masud doi' poumpamoan Yesus nantai. Poumpamoan nantai monyalahan sia'. Jadi sia' honda' monangkap Sio. Apo watu nantai sia' kinyo ulih obai sia' gola' agatn urakng banya'. Jadi, sia' botula' moninggalan Sio.

Markus 12:6

Apo, puku' kobutn nantai ija' ado siku' urakng agi', ia'an ana'nyo siku' inyo kotakan kokidahnyo. Io bopandir dalapm hatinyo, ‘Pasti am boko potani nantai tajahan morogo'i ana'ku.’ Jadi, koponsuahannyo, io monyiuh ana'nyo ko sia'.

Markus 12:8

Jadi, sia' monangkapnyo, mombunuhnyo, lalu mombuakan io ko luar kobutn anggur nantai.”

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.