Markus 12:2 - Porjanjian Boharu Torjomahan Baso Dilakng Soari-ari

² Watu musipmnyo am momotik buah anggur, puku' kobutn nantai monyiuh hulutnnyo ko boko potani ponyewa nantai pakai' monguti' hasil kobutn inyo monjadi bagian io.

Markus 12:2 ပူးပေါင်းရင်းမြစ်များ

Ibrani 1:1

Ija' joman komai mo, Allah bopandir ko angki-bayatn kito molalu'i boko nabi. Allah bopandir nanam-konanam ko sia' agatn bomacapm caro.

Lukas 20:10

Timpu musipm mongopil buah anggur pan udah labuham, urakng umputn kobutn nantai honda' mondapat'an la'apo inyo monjadi umputnnyo doi' hasil kobutn nantai. Jadi io moutus siku' urakng hulutn ko boko potani ponyewa nantai oca' sia' moonji'i sobagi'an hasil nantai ko io. Apo timpu hulutn nantai datakng, sia' momantu io, lalu monyiuh io pulakng agatn conyiant mombaba' la'apo pan.

Lukas 12:48

Apo hulutn inyo kinyo mongotohu'i kohonda' habakngnyo, aman io molabuhan lou' inyo salah sampai gola' dihukupm, apo hukupan io kinyo borat. Aman Allah moonji'i banya' ko siku' urakng, Sio pan paca'an monuntut banya' doi' urakng nantai. Aman Allah moonji'i banyaꞌ tanggukng-jawab ko siku' urakng, Sio pan paca'an monuntut lobih banyaꞌ agi' doi' urakng nantai.”

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Markus 12:1

Lopasnyo Yesus bopandir ko sia' momakai poumpamoan. KatoNyo, “Ado urakng inyo mombulah kobutn anggur. Io mombulah pagar sokolilikngnyo, mongali lubakng tompat momoyah buah anggur nantai, ongko moninjakan monara jam oca' kobutn nantai dapat dijago'i. Lopasnyo, io monyewaan kobutn nantai ko boko potani, lalu borangkat ko nogori bukai.

Markus 12:3

Apo sia' monangkap hulutn nantai, boduda'annyo, lalu monyiuhnyo pulakng kinyo dionji'i la'apo pan.