Markus 12:1 - Porjanjian Boharu Torjomahan Baso Dilakng Soari-ari

¹ Lopasnyo Yesus bopandir ko sia' momakai poumpamoan. KatoNyo, “Ado urakng inyo mombulah kobutn anggur. Io mombulah pagar sokolilikngnyo, mongali lubakng tompat momoyah buah anggur nantai, ongko moninjakan monara jam oca' kobutn nantai dapat dijago'i. Lopasnyo, io monyewaan kobutn nantai ko boko potani, lalu borangkat ko nogori bukai.

Markus 12:1 ပူးပေါင်းရင်းမြစ်များ

Markus 13:34

Koadaannyo samo sama'an kisah ni'in: Ado siku' habakng inyo moninggalan rumahnyo lalu botula' ko doerah inyo jouh. Io moonji'i tugas ko siku'-monyiku' hulutnnyo pakai' monyiuh sia' mourus rumahnyo. Io moonju' porintah ko urakng inyo monjago lawakng, oca' bojago boboi'.

Markus 4:2

Yesus mongajar banya' hal ko sia' agatn momakai poumpamoan. Dalapm ajaran-Nyo, Sio bopandir,

Matius 25:14

“Koraja'an Sorugo samo sama'an poumpamoan ni'in: Ado siku' habakng inyo honda' botula' ko doerah inyo jouh. Sio moningkau boko hulutn lalu mompocayoan banya' duit ko sia'.

Kisah Boko Rasul 7:38

Somanah angki-bayatn kito urakng Israel ado di padakng pasir, Musa ado bosamo sia'. Io monjadi porontaro pakai' sia' obai io monorima' pomandiran Allah doi' molekat di Gunung Sinai, ongko io monyampaian pomandiran Allah nantai ko sia'. Sampai ari ni'in pan pomandiran Allah nantai totap bolaku. Pomandiran Allah nantai monjolasan caro hidup inyo monyonangan Allah.

Lukas 19:12

Kato-Nyo, “Ado siku' urakng bangsawatn. Io paca'an botula' ko nogori inyo jouh pakai' diangkat monjadi rajo. Lopas nantai io paca'an bobali', lalu momorintah di doerahnyo siku'.

Lukas 15:13

Boboropo ari lopas nantai ana' kobunsuan nantai monjual boko pombagiannyo nantai ongko botula' ko nogori inyo jouh. Di su'utn io momborosan duitnyo agatn hidup bopoya-poya.

Lukas 8:10

Timbas Yesus, “Ko kaitn udah dionji'i komampuan pakai' mongoroti mongonaꞌi Koraja'an Allah inyo bolupm dikotohu'i urakng bukai. Apo ko boko urakng bukai, Aku mongajar agatn poumpamoan, oca' biar pan sia' borotian apo co bondar-bondar moniant, sia' mondingaꞌ apo sia' co mongoroti.

Matius 21:28

Lalu Yesus bopandir ko boko imam kopala' huatan ko boko totuho, “Ubo apo pondapat kaitn mongona'i kisah ni'in: Ado siku' urakng Bopai bisi duo urakng ana' lolaki. Bopainyo nantai monomu'i ana' inyo potamo lalu bopandir, ‘Ana'ku, botula'cam bokorojo di kobutn anggur sari ni'in.’

Lukas 22:9

Sia' duo botakutn, “Di mono Duatn honda' koi momposiapannyo?”

Matius 13:3

Lalu Yesus mongajar banya' hal ko sia' agatn momakai poumpamoan. Kato-Nyo, “Ado siku' potani botula' pakai' moabur bonih.

Matius 21:33

“Dinga'anbo kisah inyo bukainyo agi': Ado siku' urakng umputn tanah inyo bulah kobutn anggur. Sio bulah pagar sokolilikngnyo, mongali lubakng tompat mohapit buah anggur nantai, ongko moninjakan pos pakai' monjago'i kobutnnyo. Lopas nian, io monyewaan kobutn nantai ko boboropo potani, lalu botula' ko nogori bukai.

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Markus 3:23

Apo Yesus moningkau sia', lalu bopandir ko sia' agatn momakai boboropo poumpamoan. Kato-Nyo, “Co mungkitn rajo sitatn monundukng rajo sitatn inyo bukai!

Markus 11:33

Ongko sia' bopandir ko Yesus, “Koi co tohu sopo inyo moonji'i kuaso nantai ko Yohanes.” Yesus bopandir, “Amannyo ubo nian, Aku pan cuku momandirannyo ko kaitn sopo inyo moonji'i kuaso ko Aku pakai' molabuhan somuonyo ni'in.”