Markus 11:32 - Porjanjian Boharu Torjomahan Baso Dilakng Soari-ari

³² Apo kito pan culih bopandir, ‘Bayo monsio inyo moonji'i kuaso nantai ko Io.’ ” (Boko pomimpitn nantai gola' agatn urakng banya', obai urakng banya' nantai pocayo Yohanes nantai nabi Allah.)

Markus 11:32 ပူးပေါင်းရင်းမြစ်များ

Markus 12:12

Boko pomimpitn agama udah mongoroti masud doi' poumpamoan Yesus nantai. Poumpamoan nantai monyalahan sia'. Jadi sia' honda' monangkap Sio. Apo watu nantai sia' kinyo ulih obai sia' gola' agatn urakng banya'. Jadi, sia' botula' moninggalan Sio.

Matius 21:46

Jadi sia' bogoyap caro pakai' monangkap Sio. Apo co ulih, obai sia' gola' agatn urakng banya' inyo moanggap Yesus sobagai nabi.

Matius 14:5

Sobondarnya Herodes honda' mombunuh Yohanes, apo io gola' agatn boko urakng. Obai, sia' moanggap Yohanes ia'an siku' nabi.

Kisah Boko Rasul 5:26

Jadi, kopala' pongawal Rumah Allah bosamo agatn boko potugasnyo botula' ko su'utn. Sia' honda' mombaba' agi' boko rasul nantai. Apo sia' gola' agatn urakng banya' inyo tongahan mondinga' ajaran boko rasul nantai. Gola'nyo urakng banya' nantai godi ongko monikapm sia' agatn batu. Obai nantai, pongawal Rumah Allah bosamo boko potugasnyo mombaba' boko rasul nantai kinyo agatn kokorasan.

Yohanes 10:41

Boko urakng datakng ko Sio. Kato sia', “Yohanes co bulah sobuti' pan mujisat. Apo, somuo inyo Yohanes pandiran mongona'i Urakng ni'in memang bondar.”

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Markus 6:20

obai Herodes molinduki Yohanes. Obai Herodes gola' agatn Yohanes obai io tohu Yohanes nam urakng inyo husus dipakai Allah ongko hidup bondar di hadapan Allah. Sotiap kali Herodes mondinga' Yohanes, hatinyo hala golisah, apo io mooso sonang mondinga'an io.

Matius 11:9

Jadi, kaitn botula' ko su'utn pakai' moniant la'apo? Pasti pakai' moniant siku' urakng nabi, bai? Apo, dinga'anbo ni'in. Io lobih pontikng doi' siku' urakng nabi biaso.

Markus 11:31

Ongko sia' bohoupm bogoyap jawaban di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes.’ Yesus tajahan bopandir aman sama'an nian mapo kaitn kinyo pocayo agatn Yohanes?

Markus 11:33

Ongko sia' bopandir ko Yesus, “Koi co tohu sopo inyo moonji'i kuaso nantai ko Yohanes.” Yesus bopandir, “Amannyo ubo nian, Aku pan cuku momandirannyo ko kaitn sopo inyo moonji'i kuaso ko Aku pakai' molabuhan somuonyo ni'in.”