Markus 11:3 - Porjanjian Boharu Torjomahan Baso Dilakng Soari-ari

³ Aman ado urakng inyo botakutn, ‘Mapo kaitn molopasan koledai nantai?’ Pandiran ko urakng nantai, ‘Tuhatn momontikannyo. Apo Sio tajahan oca' mo momulakannyo.’ ”

Markus 11:3 ပူးပေါင်းရင်းမြစ်များ

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Kisah Boko Rasul 17:25

Sio kinyo kokurakan la'apo pan. Jadi, Sio kinyo minto potulukan monsio. Malah sobali'nyo. Sio nam inyo moonji'i hidup, kosih, ongko somuo hal ko somuo monsio.

Kisah Boko Rasul 10:36

Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.

Kisah Boko Rasul 1:24

Lopas nian sia' somuo bodoa. Kato sia', “Tuhatn, Duatn mongotohu'i isi hati sotiap urakng. Yudas udah moninggalan tugasnyo sobagai rasul. Io udah mati, huatan monorima' hukupan inyo cucu'. Jadi, tunju'ancam ko koi sopo paca'an monggonti'i io. Ado duo iku' urakng ni'in. Inyo mono dipilih Duatn pakai' molayati sobagai rasul monggonti'i Yudas.”

Markus 14:15

Lalu, puku' rumah nantai paca'an monunju'an ko kaitn sobuah ruakan inyo bosar di lantai pucu'. Somuo inyo kaitn pontikan pakai' morayaan Paskah ado di su'utn. Siap'an cam somuonyo di su'utn pakai' kito.”

Markus 11:2

Kato-Nyo, “Botula'cam ko laman di polaju nu'un. Watu kaitn duo mansu' ko laman nantai, kaitn tajahan holu moniant siku' koledai muda' dikobat'an. Koledai nantai bolupm kalo dikojumpati urakng. Lopasan koledai nantai lopasnyo baba' ko si'itn.

Markus 11:4

Koduo urakng murid nantai botula'. Sia' monomuan siku' koledai muda' dikobat'an di lawakng rumah di pinggir jalatn. Ongko, sia' molopasannyo.