Markus 11:25 - Porjanjian Boharu Torjomahan Baso Dilakng Soari-ari

²⁵ Aman ado urakng inyo bosalah agatn kaitn, amputicam io sobolupm kaitn bodiritn pakai' bodoa. Kaitn gola' molabuhan nantai oca' Allah Bopai kaitn di sorugo pan tajahan moamputi boko dosa kaitn. [

Markus 11:25 ပူးပေါင်းရင်းမြစ်များ

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.

Efesus 4:32

Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Lukas 6:37

“Jangan mohakipi urakng bukai, nononyo kaitn co dihakipi Allah. Jangan monyalahan urakng bukai, nononyo kaitn kinyo disalahan Allah. Amputi kosalahan urakng bukai, nononyo kaitn diamputi Allah.

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

Matius 5:23

Obai nantai, aman umpamonyo kaitn mombaba' posombahan ko pucu' mesbah tompat monyorahan posombahan di tongahlamanan Rumah Allah. Apo di su'utn, kaitn toingant, ado somadikan kaitn inyo sakit hati agatn kaitn.

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.

Matius 6:5

“Watu kaitn bodoa, jangan sama'an boko urakng inyo pompadah boi'. Sia' gala' bodoa agatn bodiritn di hadapan urakng banya' di boko rumah sombayakng huatan di boko simpakng jalatn bosar. Sia' bodoa agatn caro nantai oca' urakng bukai moniant sia'. Kotakng bondar inyo Aku pandiran ni'in: Sia' udah bodapat upah sia' doi' sosamo monsio.

Lukas 18:11

Urakng Farisi nantai lalu bodoa dalapm hati ubo ni'in, ‘Oi Allah, aku bosukur ko Duatn, obai aku co bodosa samaꞌan urakng bukai inyo mongolit, molanggar hukupm, bomporajoan damo jahat samaꞌan ponagih pajak ni'in.

Wahyu 11:4

Koduo urakng nantai ia'an koduo kayu jaitun huatan koduo tihakng tompat molota'an pompolitoan. Sia' bodiritn di hadapan Tuhatn inyo bokuaso di pucu' sogolintaran alapm.

Lukas 18:13

Apo ponagih pajak nantai bodiritn jouh doi' somuo urakng bukai. Io monundu'an kopala'nyo obai mooso kinyo cucu' monongadah ko sorugo. Io momantu-mantu dadonyo obai monyosali boko dosanyo. Io bopandir, ‘Oi, Allah. Tulukng kasihibo aku. Aku ni'inan urakng inyo bodosa!’ ”