Markus 11:20 - Porjanjian Boharu Torjomahan Baso Dilakng Soari-ari

²⁰ Kosunsuknghobu'annyo, Yesus agatn boko murid-Nyo bojalatn molalu'i batakng kayu ara nantai. Sia' moniant batakng kayu ara nantai udah sora', malah boko akarnyo pan udah mati.

Markus 11:20 ပူးပေါင်းရင်းမြစ်များ

Matius 15:13

Timbas Yesus, “Ado boko tontanaman inyo kinyo ditanam ulih Allah Bopai-Ku inyo di sorugo. Sotiap tontanaman nantai paca'an dicabut sampai ko boko uratnyo!

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Markus 11:14

Kato Sio ko batakng kayu ara nantai, “Mula'i ni'in nyiant ado agi' am urakng inyo momua'i buah kolai somanah-manahnyo!” Boko murid-Nyo mondinga' pomandiran Yesus nantai.

Matius 13:6

Apo boko tontanaman nantai kinyo bourat. Obai nantaiam, watu matoari momancar, boko tontanaman nantai monjadi layu, lalu mati obai rangkai.

Yudas 1:12

Kaitn mombulah boko pogai pakai' monunju'an obai kaitn hala mongasihi inyo bukai. Apo, dalapm boko pogai nantai, sia' sama'an contal inyo morusa' damo kaitn. Obai, sia' co malu makatn kotakan kaha'. Sia' bayo momontikan diri siku'. Sia' kinyo ado gunonyo samo sama'an awatn ditiup angin inyo lalu aja'am kinyo turutn hujatn. Damo samo sama'an boko kayu inyo kinyo bobuah timpu musipmnyo, boko kayu inyo udah dicabut ko akar-akarnyo sampai bondar-bondar mati.

Ibrani 6:8

Apo aman lakau nantai bayo mohasilan rado duri huatan boko solalakng, jadi lakau nantai co boguno. Kinyo manah am lakau nantai tajahan dihukupm Allah. Koponsuahannyo, lakau nantai tajahan dicucul habis.

Matius 21:18

Holapm sunsukng kohobu'annyo, Yesus bobali' ko kota Yerusalem. Dalapm pojalatan, Sio mooso kolaparan.

Markus 11:12

Kohobu'annyo, Yesus agatn koduo bolas murid-Nyo moninggalan Betania ongko bobali' ko Yerusalem. Dalapm pojalatan, Sio mooso kolaparan.