Markus 11:14 - Porjanjian Boharu Torjomahan Baso Dilakng Soari-ari

¹⁴ Kato Sio ko batakng kayu ara nantai, “Mula'i ni'in nyiant ado agi' am urakng inyo momua'i buah kolai somanah-manahnyo!” Boko murid-Nyo mondinga' pomandiran Yesus nantai.

Markus 11:14 ပူးပေါင်းရင်းမြစ်များ

Matius 21:19

Di pinggir jalatn, Sio moniant sokayu' kayu ara. Jadi, Sio mohampiki kayu nantai, apo co nyiant sobigi' pan buah kayu nantai. Ongkah ado doutnnyo am. Kato-Nyo ko kayu nantai, “Kolai paca'an co kalo bobuah agi'.” Lansukng kayu nantai mungguram.

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Matius 7:19

Sotiap tontanaman inyo kinyo mohasilan buah inyo boi', pasti ditobakng ongko dibuakan ko api.

Matius 3:10

Kapak pakai' monobakng kayu tuntukng ko akarnyo udah tosodia. Jadi tontanaman inyo kinyo mohasilan buah inyo boi', paca'an ditobakng ongko ditikapan ko api.

Wahyu 22:11

Oca' urakng inyo jahat hala bulah kojahatan. Oca' urakng inyo bodosa, hala bulah hal inyo buru'. Apo oca' urakng inyo hidup bondar di hadapan Allah, hala bulah inyo bondar. Oca' urakng inyo hidup kudus, torus hidup agatn caro inyo kudus.”

Matius 21:44

Batu nantai paca'an mohancuran sotiap urakng inyo jatu' di pucu'nyo, huatan moropu'an sotiap urakng inyo ditinggakngnyo.”]

2 Petrus 2:20

Doi' komai, sia' hidup di babah kuaso dosa. Apo, lopas nantai sia' ulih mongonal Yesus Kristus, Ponyolamant huatan Tuhatn inyo bokuaso pucu' kito. Obai nantai, sia' ulih tolopas doi' kuaso dosa nantai. Apo, watu ni'in sia' udah bobali' tokobat hidup sama'an nantai. Jadi, koadaan sia' watu ni'in lobih buru' doi' sobolupmnyo.

Matius 21:33

“Dinga'anbo kisah inyo bukainyo agi': Ado siku' urakng umputn tanah inyo bulah kobutn anggur. Sio bulah pagar sokolilikngnyo, mongali lubakng tompat mohapit buah anggur nantai, ongko moninjakan pos pakai' monjago'i kobutnnyo. Lopas nian, io monyewaan kobutn nantai ko boboropo potani, lalu botula' ko nogori bukai.

Markus 11:13

Doi' jouh, Sio moniant batakng ara inyo udah bodoutn. Ongko Sio, mondataki batakng kayu ara nantai pakai' borotian gola' ado buahnyo. Apo watu Sio datakng ko batakng kayu ara nantai, Sio moniant kinyo bobuah sobigi' pan. Ongkah ado doutnnyo am. Obai Watu nantai memang bolupm musipmnyo bobuah.

Markus 11:15

Lopas Yesus agatn boko murid-Nyo datakng di Yerusalem, Yesus mansu' agi' ko tongahlamanan Rumah Allah. Sio monundukng somuo urakng inyo bojual-boli di tompat nantai. Sio bobuakng-buakan boko meja inyo dipakai boko ponukar duit. Sio mombali'an boko bangku inyo dipakai boko ponjual posombahan burukng daro.