Markus 11:12 - Porjanjian Boharu Torjomahan Baso Dilakng Soari-ari

¹² Kohobu'annyo, Yesus agatn koduo bolas murid-Nyo moninggalan Betania ongko bobali' ko Yerusalem. Dalapm pojalatan, Sio mooso kolaparan.

Markus 11:12 ပူးပေါင်းရင်းမြစ်များ

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Matius 4:2

Di su'utn, Yesus bopuaso somanah ompat puluh ari, ompat puluh malapm. Koponsuahannyo Sio mooso kolaparan.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Lukas 4:2

Watu Yesus ado di santai, somanahan ompat puluh ari Rajo Sitatn moncubo'i oca' Yesus bodosa. Somanahan watu nantai, Yesus kinyo bopua' la'apo pan. Koponsuahannyo Sio mooso kotakng kolaparan.

Markus 11:13

Doi' jouh, Sio moniant batakng ara inyo udah bodoutn. Ongko Sio, mondataki batakng kayu ara nantai pakai' borotian gola' ado buahnyo. Apo watu Sio datakng ko batakng kayu ara nantai, Sio moniant kinyo bobuah sobigi' pan. Ongkah ado doutnnyo am. Obai Watu nantai memang bolupm musipmnyo bobuah.

Markus 11:20

Kosunsuknghobu'annyo, Yesus agatn boko murid-Nyo bojalatn molalu'i batakng kayu ara nantai. Sia' moniant batakng kayu ara nantai udah sora', malah boko akarnyo pan udah mati.