Markus 10:43 - Porjanjian Boharu Torjomahan Baso Dilakng Soari-ari

⁴³ Apo, kaitn culih samo sama'an nian! Malah, urakng inyo honda' monjadi kotakng pontikng di antaro kaitn, io gola' monjadi hulutn pakai' kaitn inyo bukainyo.

Markus 10:43 ပူးပေါင်းရင်းမြစ်များ

Lukas 14:11

Labuhancam samaꞌan nian, obai Allah tajahan mongombabahan somuo urakng inyo moncubo moninggian diri. Apo, Allah tajahan moninggian somuo urakng inyo mongombabahan diri.”

Markus 9:35

Yesus dudu' lalu moningkau koduo bolas murid-Nyo nantai, ongko mongajar sia'. Kato-Nyo, “Urakng inyo honda' monjadi kotakng pontikng di antaro kaitn, io gola' monjadi urakng inyo kotakan kinyo pontikng, urakng nantai gola' monjadi sama'an polayatn pakai' kaitn somuo huatan urakng bukai.”

Lukas 9:48

Lalu Yesus bopandir ko sia', “Urakng inyo monorima' bobia' kocit ni'in obai Aku, boroti io monorima' Aku jam. Huatan urakng inyo monorima' Aku, monorima' Allah inyo moutus Aku. Obai urakng inyo palikng kocit monurut monsio, sobondarnyo io inyo palikng pontikng monurut Allah.”

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Galatia 5:13

Boko somadikan, kaitn udah dipilih Allah pakai' monjadi urakng inyo bebas. Apo nantai kinyo boroti kaitn bebas pakai' hidup sosuai agatn kohonda' diri kaitn inyo jahat. Sobali'nyo, hala molayati siku'-monyiku' agatn ponuh kasih.

Yohanes 18:36

Timbas Yesus, “Koraja'an-Ku kinyo boasal doi' dunia ni'in. Soandainyo Koraja'an-Ku doi' dunia ni'in, jadi boko urakng inyo molayati Aku udah bojuakng oca' Aku co disorahan ko boko pomimpitn Yahudi. Apo memang Koraja'an-Ku bukainyo doi' dunia ni'in!”

Lukas 18:14

Ongko Yesus bopandir, “Dinga'anbo! Timpu pulakng ko rumah, ponagih pajak nantai inyo ditorima' Allah, bukainyo urakng Farisi nantai. Obai Allah tajahan ngombabahan somuo urakng inyo moninggian diri. Apo, Allah tajahan moninggian somuo urakng inyo ngombabahan diri.”

Markus 10:42

Apo Yesus moningkau somuo sia'. Kato-Nyo, “Ado boko pomimpitn banso di dunia ni'in inyo co mongonal Allah. Kaitn tohu obai sia' gala' mondorako'i rayat. Boko urakng inyo bokuaso momoso rayat oca' tundu' agatn kuaso sia'.

Markus 10:44

Urakng inyo honda' monjadi pomimpitn di antaro kaitn, io gola' monjadi sama'an hulutn pakai' kaitn inyo bukainyo.

Lukas 22:26

Apo, kaitn co ulih ubo nian! Sobali'nyo, urakng inyo palikng pontikng di antaro kaitn gola' bosipat rondah hati, bolaku samaꞌan urakng inyo kotakng kinyo pontikng. Siku' urakng pomimpitn gola' bolaku samaꞌan siku' urakng hulutn.