Markus 10:41 - Porjanjian Boharu Torjomahan Baso Dilakng Soari-ari

⁴¹ Kosopuluh murid inyo bukainyo mondinga' porminta'an Yakobus ongko Yohanes nantai. Sia' monjadi godi agatn koduo somadikan nantai.

Markus 10:41 ပူးပေါင်းရင်းမြစ်များ

Filipi 2:3

Jangan buhau ongko bogoyap pujian sia-sia. Apo, rondahancam hati kaitn. Anggap ja' urakng bukai lobih pontikng doi' kolai siku'.

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”

Lukas 22:24

Lalu, boko rasul-Nyo botikakng antaro siku'-monyiku'. Sia' bokisahan sopo di antaro sia' inyo kotakng pontikng.

Matius 20:24

Sia' sopuluh murid inyo bukai mondinga' kohonda' Yakobus huatan Yohanes nantai. Jadi, sia' monjadi godi ko sia' duo somadikan nantai.

Markus 10:42

Apo Yesus moningkau somuo sia'. Kato-Nyo, “Ado boko pomimpitn banso di dunia ni'in inyo co mongonal Allah. Kaitn tohu obai sia' gala' mondorako'i rayat. Boko urakng inyo bokuaso momoso rayat oca' tundu' agatn kuaso sia'.

Lukas 22:25

Obai nantai, Yesus bopandir ko sia'. Kato-Nyo, “Boko rajo banso inyo kinyo mongonal Allah disobut ‘Ponulukng Rayat’. Padohal, sia' sonang momoso rayat oca' tundu' agatn kuaso sia'.