Markus 10:34 - Porjanjian Boharu Torjomahan Baso Dilakng Soari-ari

³⁴ Io paca'an dipoulu'-ulu'an, diigahi, dicambuk lopasnyo dibunuh. Apo watu ari kotigo, Io tajahan hidup agi'.”

Markus 10:34 ပူးပေါင်းရင်းမြစ်များ

Markus 14:65

Lalu boboropo urakng moigahi Yesus. Sia' monutup mato-Nyo huatan bodularan Sio. Sia' mohanyam Sio agatn bopandir, “Aman Duatn bondar-bondar nabi, butianbo, sopo inyo bodularan Duatn?” Boko ponjago nantai pan jumpat monompilikng Yesus.

Matius 26:67

Lalu sia' moigahi mato-muho Yesus ongko monompilikng-Nyo. Boko urakng bukainyo boduda'an Sio.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

Yohanes 2:10

lalu bopandir ko io, “Biasonyo urakng mombagi anggur inyo kotakng boi' lobih doholu. Aman boko tamu' udah tokosiham minum, hoyu' urakng mombagian anggur inyo biaso. Apo kolai monyimpatn anggur inyo kotakng boi' sampai ni'in!”

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Lukas 23:11

Lalu Herodes ongko boko projuritnyo mohayam Yesus. Sia' boulu'an Yesus agatn mongona'an jubah rajo ko Sio. Lalu, Herodes monyiuh boko projurit mombaba' Yesus bobali' ko Pilatus.

Markus 14:63

Mondinga' nantai, Imam Agukng mombirat-birat pakai'annyo. Katonyo ko boko pomimpitn inyo bukainyo di santai, “Pompadohan bogoyap sasi pakai' momandiran kosalahan-Nyo!

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Markus 9:31

Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”