Markus 10:24 - Porjanjian Boharu Torjomahan Baso Dilakng Soari-ari

²⁴ Timpu boko murid-Nyo mondinga' nantai, Sia' kotakng hiratn. Apo Yesus bopandir agi', “Poana'an-Ku, memang kotakng uyuh tamo monjadi koluarga Koraja'an Allah.

Markus 10:24 ပူးပေါင်းရင်းမြစ်များ

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!

1 Timotius 6:17

Poringant'ancam ko boko urakng dampu di dunia ni'in oca' sia' jangan buhau huatan oca' jangan pocayo ko boko kodampuan sia' inyo kinyo ulih botahatn somanah-manahnyo. Apo sia' gola' pocayo ko Allah obai Sio onsi' agatn urakng. Sio moonji'i somuo hal oca' kito ulih mooso'i ponyaman.

Lukas 16:14

Nah, ado jam boboropo urakng Farisi mondingaꞌan somuo inyo Yesus pandiran nantai. Sia' kotakng gala' agatn duit. Jadi, sia' rindakan Yesus.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

Yohanes 13:33

Poana'an-Ku, ija' bayo sobontar cam Aku ado bosamo kaitn. Lopas nantai, kaitn paca'an monggoyapi-Ku. Huatan, samo sama'an inyo udah Ku pandiran ko boko pomimpitn agama Yahudi, watu ni'in pan Aku bopandir ko kaitn: Kaitn culih datakng ko tompat Aku botula'.

1 Yohanes 5:21

Poana'anku, jangan kaitn sampai monyombah boko lompatukng damo la'apo pan.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

Galatia 4:19

Uai boko poana'anku. Aku ajab sonsaro agi' samo sama'an siku' urakng botina' ajab sonsaro tongahan mohidap-porut. Aku paca'an hala ajab sonsaro sampai kaitn monjadi samo sama'an Kristus.

Yohanes 21:5

Kato Yesus ko sia', “Oi boko pokawalan, bulih cadonai kaitn ikatn?” Timbas sia', “Cado!”

Yohanes 6:60

Lopas jadi mondinga' pomandiran Yesus nantai, banya' murid-Nyo bopandir agatn siku'-monyiku', “Ajaran nantai tolalu borat. Sopo ulih monurutinyo!”

Matius 19:25

Timpu boko murid-Nyo mondinga' nantai, sia' kotakng hiratn. Kato sia', “Uah, aman ubo nian, sopo inyo ulih disolamant'an?”

Markus 1:27

Somuo urakng kotakan hiratn, jadi sia' bopandir agatn siku'-monyiku', “Hebat bondar ajaran boharu ni'in inyo Sio ajaran agatn kuaso. Sio monyiuh boko roh jahat, lalu sia' monuruti sio!”

Markus 10:23

Lalu Yesus mongilikng boko murid-Nyo. Kato-Nyo ko sia', “Kotakng uyuh urakng dampu monjadi anggota koluarga Koraja'an Allah.”