Markus 10:23 - Porjanjian Boharu Torjomahan Baso Dilakng Soari-ari

²³ Lalu Yesus mongilikng boko murid-Nyo. Kato-Nyo ko sia', “Kotakng uyuh urakng dampu monjadi anggota koluarga Koraja'an Allah.”

Markus 10:23 ပူးပေါင်းရင်းမြစ်များ

1 Korintus 1:26

Boko somadikan, pikirancam mongona'i koadaan kaitn timpu kaitn ditingkau pakai' monjadi urakng pocayo. Kinyo banya' doi' antaro kaitn inyo dianggap urakng pandai monurut monsio. Kinyo banya' doi' antaro kaitn inyo dianggap urakng bopongaruh. Kinyo banya' doi' antaro kaitn inyo dianggap urakng pontikng.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

Lukas 18:24

Yesus moncorona'i pomimpitn inyo dampu nantai, lalu bopandir, “Uyuh bondar pakai' urakng dampu monjadi anggota koluarga Koraja'an Allah!

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

Markus 5:32

Apo Yesus torus ja' moniant ko sokolilikng-Nyo pakai' monggoyapi urakng inyo udah molabuhan nantai.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Markus 10:22

Mondinga' porintah Yesus nantai, io kotakng kocewa. Io moninggalan tompat nantai agatn hati inyo kotakng salu', obai io kotakng dampu.