Markus 10:17 - Porjanjian Boharu Torjomahan Baso Dilakng Soari-ari

¹⁷ Timpu Yesus molajuan pojalatan-Nyo agi', ado urakng bonggidi'an monuju ko Sio. Urakng nantai tundu' monyungkapan di pohadapan Yesus ongko botakutn, “Guru inyo boi', la'apo inyo gola' ku labuhan oca' bodapat hidup kokal?”

Markus 10:17 ပူးပေါင်းရင်းမြစ်များ

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Lukas 10:25

Lopas nian siku' urakng guru Agama Yahudi maju pakai' moncubo Yesus. Io botakutn, “Guru, aku gola' molabuhan la'apo oca' ulih monorima' hidup kokal?”

Kisah Boko Rasul 16:30

Lopas nian, io moonju'an sia' duo ko luar. Io botakutn, “Boko habakng, la'apo inyo gola' aku labuhan oca' aku disolamant'an?”

Kisah Boko Rasul 2:37

Timpu urakng banya' mondinga' hal nantai, hati sia' sangant monyosal. Sia' botakutn ko Petrus ongko boko rasul bukai, “Boko somadikan, la'apo inyo gola' koi labuhan?”

Kisah Boko Rasul 20:32

Ni'inan, aku monyorahan kaitn ko Allah. Mudahan Allah molinduki kaitn. Totap ja' pocayo ko Kabar Boi' mongona'i koboi'an Allah. Mudahan Allah huatan Kabar Boi' nantai hala bulah hati kaitn pocayo ko Yesus mongkitn kuat. Obai Allah bokuaso moonji'i tuah inyo udah disodiaan husus bayo pakai' umant kokidah-Nyo.

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 17:14

Lopas nian, Yesus ongko boko murid-Nyo bobali' ko urakng banya' nantai. Timpu nantai, siku' urakng lolaki datakng, tundu' monyungkapan di hadapan Yesus.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Markus 12:14

Jadi, boko urakng nantai datakng ko Yesus huatan bopandir, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn kinyo momihak boko urakng totontu. Obai nantai, Duatn kinyo gola' agatn sosopo pan. Monurut Duatn, poraturan Allah dalapm Hukupm Torat moulihan kito mombayar pajak ko Rajo Roma kata'an cado ai? Gola' kito bayar pajak kata'an cado ai?”

Markus 9:25

Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Markus 1:40

Ado urakng inyo boponyakit kulit inyo bogola'i datakng ko Yesus. Sio tundu' monyungkapan di pohadapan Yesus lalu muhun. Katonyo, “Tulukng nyamaniku. Aman Duatn honda', Duatn ulih mo monyamaniku.”

Matius 28:8

Kotakan hagar sia' botula' doi' pasaran nantai. Agatn oso gola' apo kotakng rindakng, sia' bonggidi'an pakai' momadahan borito nantai ko boko murid Yesus.

1 Yohanes 2:25

Ongko ninam inyo udah Sio janjian ko kito, ia'an hidup inyo somanah-manahnyo.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Markus 10:18

Kato Yesus, “Ongkah Allah inyo boi'. Jadi, hibo kulo mongatoan Aku boi'?

Efesus 1:18

Aku bodoa Allah mombuka' hati kaitn oca' kaitn bondar-bondar mongoroti somuo inyo kaitn ulih harapan doi' Allah obai Sio udah moningkau kaitn monjadi umat-Nyo. Aku pan bodoa oca' kaitn tohu kotakng banya' borokat inyo paca'an Allah onju' ko kaitn, sobagai boko urakng husus umputn-Nyo.

Titus 3:7

Agatn ubo nian, kito inyo dipulah bondar obai koboi'an Allah, bohak monorima' hidup somanah-manahnyo inyo kito harapan.

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

1 Petrus 1:4

Ia'an kito ulih boharap agatn kuat obai kito paca'an monorima' borokat inyo Allah janjian. Borokat nantai disimpatn di sorugo pakai' kaitn. Borokat nantai tahatn bondar, kinyo tohu rusa', kinyo tohu buru', kinyo tohu kusap.