Markus 10:1 - Porjanjian Boharu Torjomahan Baso Dilakng Soari-ari

¹ Yesus moninggalan tompat nantai, lalu botula' ko doerah Yudea ongko ko doerah di soborakng sungai Yordan. Banya' urakng datakng agi'. Sia' bokumpul di sokolilikng Sio, lalu sama'an biaso Sio mongajar sia' agi'.

Markus 10:1 ပူးပေါင်းရင်းမြစ်များ

Yohanes 10:40

Lopas nian Yesus bojalatn agi' ko soborakng sungai Yordan, tompat Yohanes komainyo mombaptis urakng. Sio diapm di siatn tai.

Markus 4:2

Yesus mongajar banya' hal ko sia' agatn momakai poumpamoan. Dalapm ajaran-Nyo, Sio bopandir,

Yohanes 11:7

Lopas jadi nantai, hoyu' Sio honda' monjongu' Lazarus. Kato-Nyo ko boko murid-Nyo, “Mara kito bobali' agi' ko Yudea.”

Markus 6:34

Watu Yesus turutn doi' porohu, Sio moniant ado banya' urakng di santai. Sio mooso kasih agatn sia' obai sia' conyiant urakng inyo moirikng sia'. Sia' samo sama'an boko domba inyo conyiant pongombolonyo. Jadi, Sio mongajaran banya' hal ko sia'.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Yohanes 18:20

Apo Yesus bopandir ko io nantai, “Hibo kolai botakutn ko Aku? Aku hala bopandir torus-torakng di muka' umum. Aku hala mongajar di boko rumah sombayakng, huatan di Rumah Allah jam, tompat somuo urakng Yahudi bokumpul. Kinyo kalo Ku bumbutn. Takutan ja'am ko sia' inyo udah mondinga' boko ajaran-Ku. Pasti sia' tohu lapo inyo Ku katoan.”

Markus 6:6

Sio mooso hiratn obai boko urakng di laman-Nyo kinyo pocayo ko Sio. Lalu, Sio bojalatn bokolilikng doi' laman ko laman, mongajar boko urakng di santai.

Markus 2:13

Lopas nantai, Yesus botula' agi' ko pinggir danau Galilea. Banya' urakng datakng ko Sio, lalu Sio mongajar sia'.

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Markus 1:21

Yesus ongko boko murid-Nyo datakam di kota Kapernaum. Watu ari Sabat, Yesus mansu' ko dalapm rumah sombayakng lalu mongajar boko urakng di santai.

Markus 6:2

Watu ari Sabat, Yesus mongajar di rumah sombayakng. Timpu boko urakng mondinga' ajaran-Nyo, sia' hiratn bondar. Kato sia', “Doi' mono Urakng ni'in mondapat'an pongotohuan pakai' mongajar sama'an nian? Doi' mono Sio mondapat'an kuaso pakai' mombulah boko mujisat? Padohal, Sio bayo urakng biaso mo. Sio ni'in ana' doi' tukakng kayu. Indai-Nyo bodamo Maria. Boko somadikan-Nyo Yakobus, Yoses, Yudas ongko Simon. Boko somadikan-Nyo inyo botina' ado bosamo kito jam. Jadi, doi' mono Io mondapat somuo pongotohuan ongko kuaso nantai?” Jadi, sia' monula' Sio.

Markus 10:2

Ado boko pomimpitn agama Yahudi doi' kolompok Farisi, sia' datakng ko Yesus pakai' bogoyap alasan oca' monyalahan Sio. Sia' botakutn, “Monurut Hukupm Torat, ulih cado laki monyaya' bininyo?”

Markus 12:35

Timpu Yesus mongajar di tongahlamanan Rumah Allah, Sio bopandir, “Pikirancam mongona'i Rajo inyo Dijanjian Allah inyo disobut ‘Kristus’. Boko guru agama Yahudi mongatoan obai Kristus ia'an koturutan doi' Rajo Daud.

Markus 14:49

Padohal, sotiap ari Aku di tongah-tongah kaitn mongajar di tongahlamanan Rumah Allah. Apo watu nantai kaitn co monangkap Ku. Apo, somuonyo ni'in tojadi oca' pomandiran mongona'i Aku inyo ditulis dalapm Buku Suci monjadi nyata.”