Markus 1:22 - Porjanjian Boharu Torjomahan Baso Dilakng Soari-ari

²² Sia' hiratn mondinga'an Sio mongajar. Obai, Sio mongajar agatn kuaso doi' Allah, kinyo samo sama'an boko guru agama Yahudi.

Markus 1:22 ပူးပေါင်းရင်းမြစ်များ

Matius 13:54

Sio bobali' ko laman-tompu' tompat asal-Nyo lalu mongajar boko urakng di santai, di rumah sombayakng sia'. Lalu sia' hiratn. Kato sia', “Doi' mono Urakng ni'in bodapat kopintar-corodi'an sama'an nantai. Doi' mono Sio bodapat kuaso ongko mombulah mujisat ubo nantai?

Markus 1:23

Timpu nantai, di rumah sombayakng sia' ado urakng inyo korasu'an roh jahat. Kali labuh, io mondorah,

Lukas 2:47

Ado jam boko urakng bukai di santai bondinga'an pomandiran Yesus dalapm boko soal-jawab agatn boko guru agama nantai. Hiratn sia' somuo, mondingaꞌ boko jawaban Yesus, obai pongorotian-Nyo kotakng dalapm.

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Lukas 4:32

Sio bopandir agatn bisi kuaso. Jadi, sia' hiratn moniant caro Sio mongajar.

Yohanes 7:46

Timbas boko ponjago nantai, “Bolupm kalo ado urakng inyo mongajar momadahan boko hal ubo Sio nantai!”

Kisah Boko Rasul 6:10

apo co kalo sia' monang obai Roh Allah bulah io bopandir agatn kotakan pintar-corodi'.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.