Lukas 9:60 - Porjanjian Boharu Torjomahan Baso Dilakng Soari-ari

⁶⁰ Apo Yesus bopandir ko io, “Biaram boko urakng inyo mati socaro rohani inyo kinyo pocayo agatn Allah, momasar boko urakng inyo mati socaro jasmani. Apo kolai gola' botula', momboritoan mongonaꞌi Koraja'an Allah di mono-mono.”

Lukas 9:60 ပူးပေါင်းရင်းမြစ်များ

1 Timotius 5:6

Apo siku' urakng botina' balu inyo hidupnyo bayo monyonangan dirinyo siku', biar pan io ija' hidup sobondarnyo io udah mati socaro rohani.

Wahyu 3:1

“Tuliscam pomandiran ni'in ko molekat inyo monjago jomaat di Sardis: Pomandiran ni'in doi' Sio, inyo umputn kotujuh roh ongko kotujuh bintakng nantai. Aku tohu caro hidup kaitn. Uji urakng tai hidup kaitnbohubukan dampikng agatn Allah. Padohal, sobondarnyo kaitn topisah doi' Allah, kaitn samo sama'an udah mati.

2 Timotius 4:5

Apo kolai gola' hala bopikir agatn jolas dalapm somuo hal. Botahatncam mohadapi ajab sonsaro. Boritoancam Kabar Boi' ko boko urakng inyo bolupm kalo mondinga'nyo. Labuhancam somuo tugas dalapm polayatan kolai.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Efesus 2:5

Biar pan komai kito udah mati socaro rohani obai dosa kito, Allah udah moonji'i kito kohidupan boharu bosamo-samo agatn Kristus. Kaitn disolamant'an ongkah obai Allah monunju'an kasih karunia-Nyo ko kaitn.

Efesus 2:1

Komai, kaitn udah mati socaro rohani obai kaitn bodosa huatan molanggar boko porintah Allah.

1 Korintus 9:16

Masudku, aku co bohak bompangkakan diri watu momboritoan Kabar Boi' doi' Allah. Obai, nantai inyo memang soharusnyo ku labuhan. Biar pan aku colako aman co momboritoan Kabar Boi' nantai.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 8:22

Apo Yesus bopandir ko io, “Hincapm tuyut Aku ninam. Biaram boko urakng mati momasar urakng mati sia'.”

Lukas 15:24

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.