Lukas 9:44 - Porjanjian Boharu Torjomahan Baso Dilakng Soari-ari

⁴⁴ “Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Lukas 9:44 ပူးပေါင်းရင်းမြစ်များ

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Markus 8:31

Lopasnyo, Yesus moajaran ko sia' obai Ana' Monsio gola' kotakng banya' moalapi ajab sonsaro. Io gola' ditula' boko pomimpitn banso, boko imam kopala', boko guru agama Yahudi. Io paca'an dibunuh. Apo watu ari kotigo, Io bobali' hidup agi'.

Markus 9:31

Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”

Lukas 1:66

Boko urakng inyo mondingaꞌ borito nantai, morenungannyo di dalapm hati. Siaꞌ tohu kokuatan Tuhatn monyoroto'i io. Ongko siaꞌ bopikir, “Pasti bobia' ni'in paca'an monjadi urakng pontikng, molabuhan boko hal inyo luar biaso.”

Lukas 18:31

Yesus moningkau koduo bolas rasul oca' bokumpul di tompat husus agatn Sio. Ongko bopandir, “Dinga'anbo! Kito molajuan pojalatan kito agi' monuju kota Yerusalem. Di su'utn, tajahan tojadi sosuai agatn la'apo inyo holu udah ditulis boko nabi mongonaꞌi Ana' Monsio.

Lukas 2:19

Apo Maria hala monyimpatn boko poristiwa inyo udah tojadi nantai, ongko morenungan somuo nantai di dalapm hati.

Lukas 2:51

Lopas nian Yesus pulakng sosamo agatn sia' ko kota Nazaret. Yesus totap taat agatn sia'. Indai-Nyo monyimpatn boko poristiwa inyo tojadi nantai, dalapm hatinyo.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Lukas 9:22

Yesus pan bopandir, “Ana' Monsio gola' ajab sonsaro. Io paca'an ditula' ulih boko pomimpitn banso kito, boko imam kopala', boko guru agama. Io paca'an dibunuh apo tigo ari lopas nian paca'an bobali' hidup agi'.”

Yohanes 16:31

Kato Yesus ko sia', “Kaitn bondar-bondar pocayoam watu ni'in?

Yohanes 19:11

Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.