Lukas 9:33 - Porjanjian Boharu Torjomahan Baso Dilakng Soari-ari

³³ Watu koduo nabi nantai honda' moninggalan Yesus, Petrus bopandir ko Yesus, “Guru, boi' bondar kito di si'itn. Biaram koi bulah tigo buah potungguan di si'itn, sobuah pakai' Duatn, sobuah pakai' Nabi Musa, sobuah pakai' Nabi Elia.” Apo Petrus kinyo mongoroti agatn pomandirannyo nantai.

Lukas 9:33 ပူးပေါင်းရင်းမြစ်များ

Matius 17:14

Lopas nian, Yesus ongko boko murid-Nyo bobali' ko urakng banya' nantai. Timpu nantai, siku' urakng lolaki datakng, tundu' monyungkapan di hadapan Yesus.

Matius 17:4

Kato Petrus ko Yesus, “Tuhatn, kotakng boi' kito di si'itn. Aman Duatn honda', oca' koi pulahan tigo potungguan, sobuah pakai' Duatn, sobuah pakai' Nabi Musa, sobuah agi' pakai' Nabi Elia.”

Markus 10:38

Apo Yesus monimbas sia'. Kato-Nyo, “Kaitn co tohu la'apo inyo kaitn pinto. Sobontar agi', Aku paca'an moalapi ajab sonsaro. Sanggup bai kaitn moalapi ajab sonsaro sama'an inyo paca'an Ku alapi?”

Lukas 5:5

Simon monimbas, “Guru, somalapm tumbas koi monjalo apo nyiant ado pongulih siku' pan. Apo, obai Duatn monyiuhnyo, aku totap labuh monibaran jalo agi'.”

Lukas 9:34

Tongahan io bopandir nantai, datakam awatn monutupi sia' somuo. Gola' bondar boko murid Yesus nantai.

Lukas 9:49

Ongko Yohanes bopandir, “Guru, koi moniant siku' urakng inyo monundukng roh jahat momakai kuaso doi' Duatn. Apo koi morarakng io, obai io bukainyo doi' kolompok kito.”

Yohanes 14:8

Ongko, Filipus bopandir ko Yesus, “Tuhatn, tulukng pulah oca' koi ulih moniant Bopai agatn mato koi siku'. Nantai pan cukupam pakai' koi.”

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.