Lukas 9:24 - Porjanjian Boharu Torjomahan Baso Dilakng Soari-ari

²⁴ Aku momadahan nian obai kaitn gola' mongoroti mongonaꞌi kohidupan inyo somombondarnyo, kohidupan kokal di sorugo. Urakng inyo momontikan kohidupannyo siku', sobondarnyo kinyo paca'an mondapat'annyo. Apo urakng inyo monyorahan kohidupannyo siku' pakai' tuyut Aku, pasti paca'an mondapat'annyo.

Lukas 9:24 ပူးပေါင်းရင်းမြစ်များ

Lukas 17:33

Urakng inyo mondoholuan kohidupannyo siku', sobondarnyo kinyo tajahan mondapat'an kohidupan inyo sobondarnyo. Apo urakng inyo monyorahan kohidupannyo siku' pakai' tuyut Aku, pasti tajahan mondapat'annyo.

Yohanes 12:25

Urakng inyo moutamoan kohidupannyo siku', sobondarnyo io co paca'an mondapat'annyo. Apo urakng inyo kinyo moutamoan kohidupannyo siku' di dunia ni'in, io paca'an mongombolonyo pakai' hidup inyo kokal.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Ibrani 11:35

Boko botina' bobali' monorima' urakng doi' koluarga sia' inyo udah mati obai sia' bobali' hidup. Apo ado jam boko urakng inyo rela didorako'i sampai mati. Aman sia' botongga' pocayo, sia' ulih dibebasan. Apo sia' totap pocayo oca' lopas sia' dihukupm mati, sia' tajahan hidup agi' lalu mondapat'an hidup inyo lobih boi' di sorugo.

Matius 10:39

Sotiap urakng inyo moutamoan kohidupannyo siku', sobondarnyo kinyo paca'an mondapat'an kohidupan inyo sobondarnyo. Apo sotiap urakng inyo monyorahan kohidupannyo siku' pakai' tuyut Aku, pasti paca'an mondapat'annyo.”