Lukas 9:22 - Porjanjian Boharu Torjomahan Baso Dilakng Soari-ari

²² Yesus pan bopandir, “Ana' Monsio gola' ajab sonsaro. Io paca'an ditula' ulih boko pomimpitn banso kito, boko imam kopala', boko guru agama. Io paca'an dibunuh apo tigo ari lopas nian paca'an bobali' hidup agi'.”

Lukas 9:22 ပူးပေါင်းရင်းမြစ်များ

Lukas 24:7

Watu nantai Yesus bopandir agatn kaitn, ‘Ana' Monsio gola' disorahan ko urakng bodosa, lalu dihukupm mati di kayu salib. Apo timpu ari inyo kotigo, Aku tajahan bobali' hidup.’ ”

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

Markus 9:31

Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”

Markus 8:31

Lopasnyo, Yesus moajaran ko sia' obai Ana' Monsio gola' kotakng banya' moalapi ajab sonsaro. Io gola' ditula' boko pomimpitn banso, boko imam kopala', boko guru agama Yahudi. Io paca'an dibunuh. Apo watu ari kotigo, Io bobali' hidup agi'.

Matius 17:12

Apo dinga'anbo pandir-Ku ni'in: Nabi Elia inyo dimasud nantai udah datakng. Apo boko urakng kinyo konal agatn io. Sia' bulah kojahatan agatn io sosuai agatn kohonda' sia'. Ubo nian jam sia' paca'an bulah Ana' Monsio ajab sonsaro.”

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

Lukas 24:26

Allah udah monontuan Sio gola' ajab sonsaro samaꞌan nantai holu'ai sobolupm Sio dimuliaan.”

Matius 17:22

Timpu Yesus ongko boko murid-Nyo bokumpul di doerah Galilea, Yesus bopandir ko sia', “Ana' Monsio paca'an ditangkap lalu disorahan ko boko urakng inyo molawatn Sio.

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”