Lukas 9:20 - Porjanjian Boharu Torjomahan Baso Dilakng Soari-ari

²⁰ Yesus botakutn, “Apo monurut kaitn siku', sopo Aku ni'in?” Petrus monimbas, “Duatn nantai Rajo Inyo Dijanjian Allah.”

Lukas 9:20 ပူးပေါင်းရင်းမြစ်များ

Yohanes 7:41

Inyo bukai bopandir, “Pasti Sio ni'inan Kristus, Rajo Inyo Dijanjian Allah!” Apo inyo bukai agi' bopandir, “Bukai! Kristus nantai kinyo datakng doi' Galilea.

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Kisah Boko Rasul 17:3

Io monunju'an boko bagian doi' Buku Suci mongona'i Rajo Inyo Dijanjian Allah. Io monjolasan obai Rajo nantai gola' ajab sonsaro ongko mati. Apo, Rajo nantai paca'an bobali' hidup. Ongko Paulus bopandir, “Aku momboritoan ko kaitn mongona'i Yesus. Sio nantai Rajo Inyo Dijanjian Allah.”

Kisah Boko Rasul 9:22

Apo mongkitn manah Saulus mongkitn moyakit'an urakng banya'. Io mombutian agatn kotakan jolas obai Yesus nantai Rajo Inyo Dijanjian Allah. Allah bulah pomandiran Saulus kotakan bopongaruh. Ado boko urakng Yahudi di Damsyik inyo kinyo pocayo borito Saulus mongona'i Yesus. Apo sia' co ulih mongalahan Saulus.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 11:27

Timbasnyo, “Au, Tuhatn! Aku pocayo agatn Duatn, nam Kristus, Rajo Inyo Dijanjian Allah. Duatn nam Ana' Allah inyo diutus ko dunia ni'in.”

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 1:41

Jadi, watu nantai, Andreas kotakng hagar monomu'i Simon. Katonyo ko somadikannyo nantai, “Udah kotomuan koi am Mesias!” (‘Mesias’ rotinyo ‘Kristus’, ia'an Rajo Inyo Dijanjian Allah.)

Markus 8:29

Lalu, Yesus botakutn ko sia', “Apo, monurut kaitn siku', sopo Aku ni'in?” Timbas Petrus, “Duatn ia'an Rajo inyo Dijanjian Allah, inyo disobut ‘Kristus’.”

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Lukas 22:67

Sia' botakutn ko Sio, “Padahan ko koi, Duatn ninam kironyo Rajo Inyo Dijanjian Allah, rajo inyo kito sobut ‘Mesias’?” Yesus monimbas, “Aman Aku momadahan ko kaitn, kaitn pan co tajahan pocayo.

Markus 14:61

Apo Yesus kinyo bobunyi. Sio kinyo monimbas samo sokali. Imam Agukng nantai botakutn agi', “Apo bai Kolai Rajo Inyo Dijanjian Allah inyo kito sobut ‘Mesias’? Apo bai Kolai Ana' doi' Allah inyo Topuji?”

Matius 22:42

“Pikirancam mongona'i Rajo Inyo Dijanjian Allah inyo disobut ‘Kristus’. Doi' Koturutan sopo kironyo Sio?” Timbas sia', “Kristus ia'an koturutan doi' Rajo Daud.”

Matius 5:47

Aman kaitn monyampaian salapm bayo ko boko somadikan kaitn mo, nantai bukainyo porbuatan inyo lobih boi' doi' urakng bukai. Obai boko urakng inyo bolupm mongonal Allah bulah ubo nian jam.

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Lukas 9:19

Timbas sia', “Ado inyo bopandir Duatn nantai Yohanes Pombaptis. Ado jam inyo bopandir Nabi Elia. Ado urakng bukai inyo bopandir salah siku' nabi bukainyo doi' joman komai inyo udah bobali' hidup agi'.”