Lukas 9:1 - Porjanjian Boharu Torjomahan Baso Dilakng Soari-ari

¹ Pas ari nantai, Yesus mongumpulan koduo bolas murid-Nyo. Sio moonji'i kuaso ko sia' pakai' monundukng boko roh jahat huatan monyamani boko ponyakit.

Lukas 9:1 ပူးပေါင်းရင်းမြစ်များ

Matius 16:19

Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Matius 4:24

Borito mongona'i Sio tosebar doi' doerah Galilea sampai ko somuo doerah Siria. Jadi banya' urakng datakng ko Sio. Sia' mombaba' boko urakng inyo boponyakit huatan kosusahan. Ado inyo korasu'an boko roh jahat. Ado inyo gogilo babi. Ado inyo lumpuh. Yesus monyamani sia'.

Matius 8:9

Aku tohu mo mongona'i kuaso obai aku siku' pan ado pomimpitn inyo gola' ku taat'i. Aku pan ado ana' buah ia'an boko projurit. Aman aku monyiuh salah siku' pakai' botula', ongko pasti io botula'. Aman aku monyiuh inyo bukainyo pakai' datakng, ongko pasti io datakng. Aman aku monyiuh hulutnku pakai' mongorojoan sosuatu, pasti io mongorojoannyo.”

Lukas 10:1

Lopas nian Tuhatn Yesus momilih tujuh puluh murid inyo bukai. Sio moutus sia' duo-duo urakng mondoholu'i Sio ko somuo kota ongko tompat inyo paca'an didataki-Nyo dalapm pojalatan ko kota Yerusalem.

Lukas 10:19

Dinga'anbo! Aku udah moonji'i kuaso ko kaitn pakai' mongalahan kuaso jahat, kuaso musuh kito, ia'an pan co nyiant inyo ulih mombonasoan kaitn.

Yohanes 14:12

Dinga'ancam boboi' inyo Ku pandiran ni'in: Urakng inyo pocayo ko aku, io paca'an molabuhan pogota'an sama'an inyo Aku labuhan. Malah io paca'an molabuhan boko pogota'an inyo lobih bosar daripado nantai. Kaitn paca'an ulih molabuhan sama'an nantai obai Aku botula' ko Bopai

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 4:30

Pakaicam koi pan, Tuhatn, pakai' monyamani boko urakng sakit. Pakaicam koi pakai' bulah mujisat agatn kuaso Yesus, Hulutn Duatn inyo kinyo bodosa.”

Kisah Boko Rasul 9:34

Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.