Lukas 8:8 - Porjanjian Boharu Torjomahan Baso Dilakng Soari-ari

⁸ Apo ado jam bonih inyo jatu' di tanah inyo boi', tumbuh boi', mohasilan soratus kali lipat.” Lopas jadi bokisah, Yesus bopandir agatn saro borakng, “Aman honda' mongoroti, pondinga'an boboi'!”

Lukas 8:8 ပူးပေါင်းရင်းမြစ်များ

Matius 11:15

Aman bokolindakan, dinga'an pomandiran-Ku agatn boi'.

Wahyu 2:11

Sopo pan inyo ulih mondinga', kohonda'nyo io borotian somuo pomandiran Roh Allah ko boko jomaat. Boko urakng inyo monang co paca'an sonsaro komatian koduo, ia'an nantai hukupan somanah-manahnyo.”

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”

Markus 4:20

Apo, tanah inyo subur monggambaran boko urakng inyo mondinga'an lalu kuat pocayo agatn Pomandiran Allah nantai. Obai nantai, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Markus 4:8

Apo ado bonih inyo jatu' di tanah inyo subur. Boko tontanaman doi' bonih nantai lantakng agatn boi', mohasilan banya' buah. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Matius 13:23

Apo ado boko urakng monorima' Pomandiran Allah samo sama'an tanah inyo subur. Sia' mondinga'mo, lalu mongorotimo. Obai nantaiam, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Markus 4:23

Sopo bokolindakan, dinga'an cam pomandiran-Ku agatn boi'.”

Markus 7:16

Aman honda' mongoroti, dinga'ancam pomandiran-Ku agatn boi'!]

Lukas 8:7

Ado jam bonih bukai inyo jatu' di tongah rado duri. Rado duri tumbuh bonsamo agatn bonih nantai, mongopihnyo sampai mati.

Lukas 14:35

Garapm nantai kinyo boguno agi' pakai' bulah lakau subur. Kinyo boguno jam pakai' bulah pupuk. Kinyo boguno samo sokali. Jadi, garapm nantai dibuakan ja'. Aman honda' mongoroti masud doi' pomandiran-Ku, gola' momportimbakan boboi' somuo inyo hoyu' kaitn dinga'.”

Wahyu 3:6

Sopo pan inyo ulih mondinga', kohonda'nyo io borotian somuo pomandiran Roh Allah ko jomaat.”

Wahyu 3:13

Sopo pan inyo ulih mondinga', kohonda'nyo io momporhatian somuo pandir Roh Allah ko jomaat.”

Wahyu 13:9

Sopo inyo ulih mondinga', kohonda'nyo io pondinga'an somuo pomandiran ni'in: