Lukas 8:54 - Porjanjian Boharu Torjomahan Baso Dilakng Soari-ari

⁵⁴ Ongko, Yesus moncanggapm longan bobia' nantai. Kato-Nyo, “Uai bobia', huascam!”

Lukas 8:54 ပူးပေါင်းရင်းမြစ်များ

Kisah Boko Rasul 9:40

Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Lukas 8:51

Pas udah datakng di rumah Yairus, Yesus co moijitan siku' pan tuyut Sio mansu' ko dalapm kamar, kocuali Petrus, Yohanes, Yakobus, ongko indai-bopai bobia' nantai.

Markus 9:27

Apo Yesus moncanggapm longannyo, monulukng io angkat. Lopasnyo, bobia' nantai bodiritn.

Markus 8:23

Yesus moncanggapm longan urakng buto nantai ongko moirikannyo ko luar kota. Yesus moigahi mato urakng nantai, lalu molota'an jari-Nyo ko mato urakng nantai. Yesus botakutn ko io, “Apo bai watu ni'in ado inyo kulo tiat?”

Markus 1:31

Yesus mohampikinyo, lalu moncama' longannyo, monulukngnyo angkat. Lansukng watu nantai, indai nantai nyamanam, lalu io mula'i molayati sia'.

Matius 9:25

Lopas boko urakng nantai koluar, Yesus mansu' ko dalapm kamar bobia' nantai. Watu Yesus moncanggapm longannyo, bobia' nantai bobali' hidup ongko bodiritn.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

Lukas 8:53

Sia' monontao'i Sio obai udah tohu bobia' nantai udah matiam.

Lukas 8:55

Lansukng bobia' nantai bobali' hidup lalu bodiritn. Yesus monyiuh sia' moonji'inyo pomakatn.