Lukas 8:48 - Porjanjian Boharu Torjomahan Baso Dilakng Soari-ari

⁴⁸ Kato Yesus ko io, “Ana'-Ku, kolai nyamanam obai udah pocayo agatn Aku. Pulakng cam agatn sonang-asau.”

Lukas 8:48 ပူးပေါင်းရင်းမြစ်များ

Lukas 7:50

Apo Yesus totap bopandir ko botina' nantai, “Kolai disolamant'an doi' boko dosa kolai obai pocayo ko Aku. Botula'cam agatn sonang-asau.”

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Ibrani 4:2

Obai, Kabar Boi' nantai udah dipadahan ko kito samo sama'an ko angki-bayatn kito komai. Apo, borito nantai kinyo boguno pakai' sia' obai sia' kinyo pocayo watu mondinga'nyo.

Kisah Boko Rasul 14:9

Urakng lumpuh nantai dudu' bondinga'an pomandiran Paulus. Io pocayo ulih nyamanamobai kuaso Yesus. Jadi, watu Paulus moniant io, Paulus tohu io pocayo.

Lukas 17:19

Lalu, Yesus bopandir ko urakng Samaria nantai, “Bodiritncam. Ongko botula'cam. Kolai nyamanam obai udah pocayo agatn Aku.”

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

Lukas 18:42

Yesus bopandir, “Aman ubo nian, moniant cam! Kolai nyamanam obai kolai pocayo agatn Aku.”

Matius 8:13

Ongko Yesus bopandir ko powira nantai, “Pulakngcam. Kolai udah pocayo Aku ulih monyamani hulutn kolai. Hal nantai paca'an tojadi.” Watu nantai jam hulutnnyo nantai nyamanam.

Matius 12:20

Io kinyo momutusan buluh inyo lokus; huatan kinyo moniup pompolitoan inyo honda' buta'. Io kinyo botongga' sampai koadilan monang.

Matius 9:2

Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Lukas 8:47

Botina' nantai sadar porbuatannyo udah kotohuan. Jadi, io datakng, tundu' dihadapan Yesus, bogogora' obai gola' io mongisahan dihadapan somuo urakng mapo io moncama' Yesus, ongko ponyakitnyo nyamanam pas nantai jam.