Lukas 8:44 - Porjanjian Boharu Torjomahan Baso Dilakng Soari-ari

⁴⁴ Io mohampiki Yesus doi' bolikat, ongko moncama' hujukng jubah-Nyo, lalu samo-jatu' botongga' pondarahannyo.

Lukas 8:44 ပူးပေါင်းရင်းမြစ်များ

Kisah Boko Rasul 19:12

Malahan sapu tangan damo koitn inyo kalo dipakai Paulus, ulih digunoan pakai' monyamani boko urakng. Aman boko koitn nantai dilota'an ko urakng boponyakit, ongko sia' monjadi nyamanam. Aman boko koitn nantai dilota'an ko boko urakng inyo korasu'an, ongko boko roh jahat koluar doi' sia'.

Yohanes 5:13

Apo io co tohu sopo inyo monyamaninyo. Obai, Yesus udah kinyo kotiat'an di antaro urakng banya' inyo ado di santai.

Lukas 13:13

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Lukas 7:38

Kapikng monangis, io bodiritn di bolikat Yesus, ongko tundu' di kaki Yesus. Io mombansahi kaki Yesus agatn ara'i matonyo huatan molapnyo agatn rambutnyo siku'. Lopas nian io monciupm kaki Yesus, monuyung minya' harupm nantai ko kaki Yesus.

Markus 6:56

Aman Sio botula' ko kota, desa damo laman kocit, boko urakng sakit dibaba' ko tompat umum di santai. Sia' muhun ko Yesus oca' boko urakng sakit nantai ulih moncama' jubah-Nyo, biar bayo hujukngnyo pan. Somuo inyo moncama'nyo monjadi nyamanam doi' ponyakitnyo.

Matius 20:34

Yesus mooso salu' agatn sia' lalu moncama' mato sia'. Watu nantai jam sia' ulih moniant. Lalu sia' tuyut Yesus am.

Matius 8:3

Yesus mouluran jari-Nyo, moncama' urakng nantai. Kato-Nyo, “Aku honda'. Nyamancam!” Lansukng io nyamanam doi' ponyakit kulit nantai.

Kisah Boko Rasul 5:15

Boko rasul Yesus banya' bulah mujisat. Obai nantai am, banya' urakng mombaba' boko urakng boponyakit ko boko jalatn ongko sia' nantai diulit'an di tikar damo tompat tidu'. Sia' boharap pas Petrus lalu di siatn, palikng cado kombayakngnyo kona' sia', oca' sia' nyamanam.

Matius 9:20

Dalapm pojalatan ko su'utn, ado siku' urakng botina' inyo sakit pondarahan. Udah duo bolas tohutn manahnyo io boponyakit nantai. Io bopandir dalapm hatinyo, “Biar pan aku bayo moncama' rumbai jubah Yesus, pasti aku paca'an nyamanam!” Jadi, io mohampiki Yesus doi' bolikat ongko moncama' rumbai jubah-Nyo.

Lukas 8:43

Di antaronyo ado botina' inyo sakit pondarahan. Udah duo bolas tohutn manahnyo io bomosalah agatn lampat-tapih. Io udah mohabisan somuo umputnnyo pakai' boubat apo kinyo tonyamani ulih sopo pan.

Lukas 8:45

Yesus botakutn, “Sopo inyo moncama' Aku?” Nyiant siku' pan inyo moaku'inyo. Ongko Petrus bopandir, “Guru, ado kotakan banyaꞌ boko urakng inyo mongorumuni Duatn. Sopo pan ulih moncama' Duatn.”