Lukas 8:43 - Porjanjian Boharu Torjomahan Baso Dilakng Soari-ari

⁴³ Di antaronyo ado botina' inyo sakit pondarahan. Udah duo bolas tohutn manahnyo io bomosalah agatn lampat-tapih. Io udah mohabisan somuo umputnnyo pakai' boubat apo kinyo tonyamani ulih sopo pan.

Lukas 8:43 ပူးပေါင်းရင်းမြစ်များ

Lukas 13:16

Apo botina' ni'in koturutan Abrahapm banso inyo diborokati Allah. Huatan roh jahat, Rajo Sitatn udah bulah io sonsaro dolapatn bolas tohutn manahnyo. Io pasti jouh lobih dirogo'i Allah daripado sapi damo koledai. Cucu'am io dinyamani doi' sonsaro ponyakitnyo, biar pan ni'in Ari Sabat.”

Yohanes 9:1

Poluai Yesus lalu, Sio moniant siku' urakng inyo buto doi'nyo lahir.

Lukas 13:11

Di santai ado siku' urakng botina' inyo udah dolapatn bolas tohutn ponyakit. Ado roh jahat di dalapm dirinyo inyo mombulah io ponyakit sampai monjadi bungku'. Io samo sokali culih bodiritn tontakng boi'.

Lukas 8:27

Di santai ado siku' urakng lolaki inyo dirasu'i boko roh jahat. Udah manaham kinyo bobanggi-bopakaian. Roh jahat hala monyorakng io. Jadi, urakng nantai dijago, longan ongko kakinyo dikobat agatn rantai. Apo io totap ulih momutusan rantai nantai. Roh jahat momoso io botula' ko tompat inyo langunt. Jadi, udah manah kinyo bodiapm di rumah, apo bodiapm di boko gua dipasaran. Io moniant Yesus turutn doi' porohu noi' ko darat. Io mondataki Yesus, mondorah, huatan tundu' monyungkapan di kaki-Nyo. Ongko, Yesus mohakap roh jahat koluar doi' urakng nantai. Jadi roh jahat nantai mondorah, “Ui, Ana' Allah Inyo Maho Tinggi! Duatn honda' bulah la'apo ko aku? Aku muhun jangan mondorako'i aku.”

Kisah Boko Rasul 3:2

Sia' duo sampai ko lawakng tembok Rumah Allah bodamo “Gerbakng Kotakng Boi'”. Watu sia' duo honda' mansu', di santai ado urakng inyo kakinyo lumpuh tangga'i io lahir. Sotiap ari io dibaba' ko pintu gerbakng nantai pakai' mominto-minto ko boko urakng inyo koluar mansu' tongahlamanan Rumah Allah.

Yohanes 9:21

Apo, koi co tohu ubo apo caronyo io ulih moniant ni'in. Koi pan co tohu sopo inyo bulah io ulih moniant. Takutan ja'am ko io, io nan bosaram. Io nan suba'mo monimbasi pakai' monjolasan lapo inyo tojadi agatn dirinyo siku'.”

Markus 9:18

Sotiap kali roh jahat nantai morasu'i io, roh nantai monyipatannyo ko tanah, nyaonyo boapukng, giginyo bogorit, huatan somuo bukakng-tubuhnyo korikng-kotat. Aku udah minto ko boko murid Duatn oca' monundukng roh jahat nantai apo culih sia' molabuhannyo.”

Markus 12:44

Obai, somuo sia' moonji'i doi' kolobihan duit inyo ado disia'. Apo botina' balu jaro ni'in moonji'i doi' kokurakan duit inyo ado di io. Io moonji'i doi' somuo inyo ado di io pakai' kopontikannyo.”

Lukas 8:44

Io mohampiki Yesus doi' bolikat, ongko moncama' hujukng jubah-Nyo, lalu samo-jatu' botongga' pondarahannyo.