Lukas 8:24 - Porjanjian Boharu Torjomahan Baso Dilakng Soari-ari

²⁴ Ongko boko murid monggagaian Yesus. Kato sia', “Guru, Guru! Kito tajahan bonaso!” Yesus pan huas, mohakap angin bonakau ongko golumbakng bosar nantai oca'nyo botongga'. Ongko, samo-jatu' botongga'am.

Lukas 8:24 ပူးပေါင်းရင်းမြစ်များ

Lukas 4:39

Jadi Yesus mohampiki kotidu'annyo lalu mohakap ponyakit nantai. Timpu nantai jam botina' nantai nyamanam am huatan molayati sia'.

Lukas 5:5

Simon monimbas, “Guru, somalapm tumbas koi monjalo apo nyiant ado pongulih siku' pan. Apo, obai Duatn monyiuhnyo, aku totap labuh monibaran jalo agi'.”

Matius 14:30

Apo pas Petrus moniant golumbakng bosar inyo dipuput bonakau nantai, lalu io monjadi gola' lalu mula'i tonggolapm. Io mondorah, “Tuhatn, tulukngku!”

Matius 8:25

Jadi, boko murid-Nyo mondataki-Nyo ongko monggagaian Sio. Kato sia', “Tuhatn! Tulukng! Kito paca'an bomatian!”

Markus 4:39

Yesus huas, lalu mohakap bonakau nantai ongko bopandir ko danau nantai, “Botongga'cam! Languntcam!” Lansukng bonakau nantai botongga'am ongko danau nantai langunt.

Lukas 4:35

Yesus mohakap roh jahat nantai, “Bobacap! Koluar cam tangga'i urakng ni'in!” Ongko roh jahat nantai mohompasan urakng nantai jatu' dipohadapan boko urakng banya', lopasnyo koluar doi' urakng nantai apo co ngompodihinyo.

Lukas 8:25

Yesus monogur sia'. Kato-Nyo, “Kaitn gola' boiman inyo lobih kuat!” Sia' gola' huatan topocongo jam. Ongko bopandir ko siku'-monyiku', “Urakng ni'in kotakan luar biaso. Pas Sio mohakap, angin bonakau ongko golumbakng bosarpan botongga'.”