Lukas 8:22 - Porjanjian Boharu Torjomahan Baso Dilakng Soari-ari

²² Pas ari nantai, Yesus agatn boko murid-Nyo ado di Danau Galilea. Yesus bopandir ko sia', “Mara kito botula' ko soborakng danau.” Jadi, sia' jumpat ko porohu, ongko botula'am.

Lukas 8:22 ပူးပေါင်းရင်းမြစ်များ

Matius 14:22

Lopas nantai, Yesus monyiuh boko murid-Nyo noi' porohu lalu mondoholu'i Sio ko soborakng danau. Somontaro nantai, Sio monyiuh boko urakng banya' nantai pulakng.

Matius 8:18

Timpu Yesus moniant urakng banya' inyo mongoliliki-Nyo nantai, ongko Sio monyiuh boko murid-Nyo oca' noi' porohu monyomboraki danau.

Markus 5:21

Yesus ongko boko murid-Nyo bobali' agi' ko soborakng danau. Di pinggir danau nantai, banya' urakng datakng bokorumun di sokolilikng Yesus.

Markus 6:45

Lopas nantai, Yesus copat monyiuh boko murid-Nyo jumpat porohu ongko mondoholu'i Sio ko kota Betsaida di soborakng danau. Tongahan nantai, Sio monyiuh urakng banya' nantai pulakng.

Markus 8:13

Lalu, Yesus moninggalan sia' huatan botula' jumpat porohu ko soborakng danau.

Lukas 5:1

Pas ari nantai Yesus mongajar di pinggir Danau Genesaret. Watu Yesus mongajar, banyaꞌ urakng bonsonsongka'an mongorumuni Sio honda' mondingaꞌan pomandiran Allah. Obai nianam Yesus toganggu' dalapm monyampaian pongajaran-Nyo.

Lukas 8:23

Watu sia' tongahan bolayar, Yesus toidu'. Lalu, datakam angin bonakau mohontapm danau nantai ongko bogolumbakng kotakng bosar. Ara'i mula'i mansu' ko dalapm porohu huatan kotakng mombohayoan bondar.

Lukas 8:33

Jadi, boko roh jahat nantai koluar doi' urakng nantai, tamo boko babi nantai. Lalu, boko babi nantai rari torojutn doi' koririkan bukit ko dalapm danau, ongko mati lomas.

Yohanes 6:1

Lopas nantai, Yesus botula' ko soborakng Danau Galilea, inyo disobut jam Danau Tiberias.

Kisah Boko Rasul 27:2

Timpu koi ado di polabuhan di kota Kaisarea, ado kapal inyo datakng doi' kota Adramitium. Kapal nantai paca'an bobali' ko Adramitium agi' kapikng singgahi diboboropo polabuhan di sopanjakng pantai propinsi Asia. Ongko, koi jumpat kapal nantai ongko botula'. Aristarkhus pan tuyut samoan koi. Io nantai somadikan koi inyo boasal doi' kota Tesalonika di propinsi Makedonia.