Lukas 8:18 - Porjanjian Boharu Torjomahan Baso Dilakng Soari-ari

¹⁸ Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Lukas 8:18 ပူးပေါင်းရင်းမြစ်များ

Matius 13:12

Obai, urakng inyo udah ado, paca'an dionji'i lobih banya' agi'. Apo urakng inyo conyiant, la'apo inyo ado di io paca'an dikuti'an doi'nyo.

Matius 25:29

Obai, urakng inyo udah ado, paca'an dionji'i lobih banya' agi' sampai bolimpah. Apo urakng inyo co nyiant, la'apo inyo ado di io pan paca'an dikuti' doi'nyo.

Markus 13:14

Yesus bopandir, “Ado totulis di dalapm Buku Suci mongona'i siku' urakng jahat inyo mombonasoan. Urakng nantai tajahan bodiritn di tompat inyo kinyo cucu' pakai' inyo.” (Catatan pakai' urakng inyo mombaco ni'in: Porotian cam oca' ulih momahami rotinyo). Yesus molajuan pandir-Nyo, “Aman kaitn moniant hal nantai bondaram, soboi'nyo boko urakng di doerah Yudea gola' morarian diri ko boko bukit.

Lukas 19:26

Habakng nantai monimbas, ‘Dinga'anbo! Urakng inyo udah ado, tajahan dionji'i lobih banyaꞌ agi'. Apo urakng inyo conyiant, la'apo pan inyo ado di io paca'an dikuti' doi' io.

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Yohanes 15:2

Sotiap dahatn inyo ado di Aku inyo kinyo bobuah, Bopai-Ku momancapnyo lalu mombuakan dahatn nantai. Apo, sotiap dahatn inyo bobuah, Bopai-Ku momborosihi dahatn nantai oca'nyo bobuah lobat.

Kisah Boko Rasul 10:33

Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

1 Korintus 14:37

Aman ado urakng inyo bopikir dirinyo bisi komampuan pakai' monyampaian posatn-pontal doi' Allah, damo io bopikir io bisi komampuan rohani inyo bukai, urakng sama'an nantai gola' mongotohu'i ni'in: Somuo inyo aku pandiran ko kaitn nantai ia'an boko porintah doi' Tuhatn.

1 Korintus 3:18

Jangan sampai ado urakng inyo ngontumbuki dirinyo siku' mongona'i kopintar-corodi'an monsio. Aman ado urakng inyo moanggap dirinyo pintar-corodi' socaro dunia, urakng nantai gola' moanggap hal nantai budu. Io gola' molabuhan nantai oca' io bondar-bondar monjadi pintar-corodi'.

1 Korintus 8:2

Aman ado urakng inyo bopikir obai io ado ‘pongotohuan husus’, sobondarnyo urakng nantai bolupm mongotohu'i boko hal inyo soharusnyo io kotohu'i.

Filipi 3:4

Soandainyo boko hal nantai ulih monyolamant'an kito, aku ado alasan pakai' boharap ko boko hal nantai. Mungkitn urakng bukai bopikir sia' ado alasan pakai' moharap'an ko boko hal nantai. Apo, alasan ku lobih kuat daripado sia'.

Ibrani 2:1

Obai nantai, kito gola' lobih toliti borotian ajaran inyo udah kito dinga'. Kito gola' molabuhan nantai oca' kito co moninggalanajaran nantai.