Lukas 8:10 - Porjanjian Boharu Torjomahan Baso Dilakng Soari-ari

¹⁰ Timbas Yesus, “Ko kaitn udah dionji'i komampuan pakai' mongoroti mongonaꞌi Koraja'an Allah inyo bolupm dikotohu'i urakng bukai. Apo ko boko urakng bukai, Aku mongajar agatn poumpamoan, oca' biar pan sia' borotian apo co bondar-bondar moniant, sia' mondingaꞌ apo sia' co mongoroti.

Lukas 8:10 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Markus 4:11

Jadi, Yesus monjolasan ko sia'. Kato-Nyo, “Kaitn udah dipadahi mongona'i Koraja'an Allah inyo bolupm dikotohu'i urakng bukai. Apo, ko boko urakng di luar, Aku mongajar bomacapm agatn momakai poumpamoan.

Markus 4:12

Aku molabuhan nantai oca': ‘Sia' hala borotian porbuatan Allah apo kinyo bobondar mongoroti masudnyo. Sia' hala mondinga' borito doi' Allah, apo kinyo bobondar mongoroti. Obai, sia' co moninggalan boko dosa sia' ongko co hidup monyonangan hati Allah. Jadi, sia' culih diamputi.’ ”

Yohanes 12:40

“Tuhatn udah mombulah mato sia' buto. Sio udah mombulah hati sia' koras. Oca' jangan sampai ni'in tojadi: sia' moniant agatn mato, sia' mongoroti agatn hati, lalu moninggalan boko dosa sia', oca', Tuhatn moamputi sia'.”

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

1 Korintus 12:11

Bayo ado siku' Roh Allah inyo moonji'i somuo komampuan husus nantai. Roh Allah moonji'i komampuan husus ko sotiap urakng masikng-masikng sosuai agatn kohonda'-Nyo.

Kolose 2:2

Aku bousaha oca' hati kaitn somuo dikuatan huatan kaitn bosatu dalapm kasih. Agatn ubo nian, kaitn mondapat'an somuo borokat huatan monjadi yakitn obai sobondarannyo mongoroti mongona'i Yesus. Kaitn pan paca'an mongotohu'i hajat Allah inyo komai kinyo dikotohu'i monsio. Ia'an, kaitn somuo ulih mongonal Kristus.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”