Lukas 8:1 - Porjanjian Boharu Torjomahan Baso Dilakng Soari-ari

¹ Lopas nantai, Yesus botula' doi' kota ko kota, doi' laman ko laman, momboritoan Kabar Boi' mongonaꞌi Koraja'an Allah. Koduo bolas murid-Nyo tuyut jam.

Lukas 8:1 ပူးပေါင်းရင်းမြစ်များ

Matius 11:1

Jadi, Yesus moonji'i boko potunju' nantai ko koduo bolas murid-Nyo. Lopas nantai, Sio botula' doi' su'utn mongajar huatan momboritoan Kabar Boi' di boko kota sia'.

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

Markus 1:39

Jadi, Sio botula' ko somuo tompat di soluruh propinsi Galilea. Sio monyampaian Kabar Boi' di boko rumah sombayakng sia' ongko monundukng boko roh jahat.

Lukas 1:80

Ana' Zakharia nantai mongkitn bosaram rohnyo pan mongkitn kuat. Io bodiapm di padakng pasir inyo langunt sampai io mula'i monyampaian borito ko banso Israel.

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Lukas 4:18

“Roh Tuhatn Allah ado di Aku, obai Sio momilih Aku pakai' monyampaian kabar boi' ko boko urakng jaro; Sio moutus Aku pakai' mongabaran

Lukas 9:6

Jadi boko murid Yesus botula' ko boko laman, momboritoan Kabar Boi' mongonaꞌi Koraja'an Allah, monyamani urakng boponyakit di mono-mono.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 13:32

Jadi ni'inan koi monyampaian Kabar Boi' nantai ko kaitn. Timpu joman komai, Allah bojanji ko angki-bayatn kito. Allah bojanji pakai' mongiripm siku' urakng Rajo inyo paca'an momorintah umant-Nyo somanah-manahnyo.

Roma 10:15

Ongko co mungkitn monsio ulih momboritoan mongona'i Sio aman monsio nantai kinyo diutus pakai' momboritoan. Samo sama'an pomandiran ni'in inyo totulis di Buku Suci: “Kotakan monyonangan kodatakan urakng inyo mombaba' kabar boi'!”