Lukas 7:50 - Porjanjian Boharu Torjomahan Baso Dilakng Soari-ari

⁵⁰ Apo Yesus totap bopandir ko botina' nantai, “Kolai disolamant'an doi' boko dosa kolai obai pocayo ko Aku. Botula'cam agatn sonang-asau.”

Lukas 7:50 ပူးပေါင်းရင်းမြစ်များ

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Markus 10:52

Yesus bopandir, “Amannyo sama'an nian, botula' cam! Kulo nyamanam obai kulo pocayo agatn Aku.” Watu nantai jam urakng buto nantai ulih moniant am, lopasnyo tuyut Yesus dalapm pojalatan-Nyo.

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

Lukas 17:19

Lalu, Yesus bopandir ko urakng Samaria nantai, “Bodiritncam. Ongko botula'cam. Kolai nyamanam obai udah pocayo agatn Aku.”

Lukas 18:42

Yesus bopandir, “Aman ubo nian, moniant cam! Kolai nyamanam obai kolai pocayo agatn Aku.”

Lukas 7:9

Yesus topocongo mondingaꞌ posatn powira tontara inyo dipadahan sia' nantai ko Sio. Ongko Yesus mongilikng boko urakng banyaꞌ inyo tuyut sosamo agatn Sio. Ongko bopandir, “Pondinga'anbo, Aku bolupm kalo monomu'i iman sobosar ni'in. Doi' bansoku siku', urakng Yahudi pan, bolupm ado inyo bondar-bondar pocayo ko Aku agatn soponuh hati samaꞌan powira tontara urakng Roma ni'in.”

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Lukas 8:48

Kato Yesus ko io, “Ana'-Ku, kolai nyamanam obai udah pocayo agatn Aku. Pulakng cam agatn sonang-asau.”