Lukas 7:47 - Porjanjian Boharu Torjomahan Baso Dilakng Soari-ari

⁴⁷ Botina' ni'in samo samaꞌan urakng dalapm poumpamoan tontai inyo ado hutakng banyaꞌ ongko dihapus. Dosanyo inyo banyaꞌ nantai udah diamputi. Jadi, io monunju'an kasih ko Aku agatn banyaꞌ caro jam. Apo urakng inyo bopikir dosanyo bayo sodikit, ongko diamputi, jadi io bayo sodikit jam monunju'an kasihnyo.”

Lukas 7:47 ပူးပေါင်းရင်းမြစ်များ

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Lukas 7:46

Kolai kinyo mohormati Aku agatn monuyung minya' di kopala'-Ku, apo botina' ni'in udah monuyung minya' harupm di kaki-Ku.

Lukas 7:48

Ongko Yesus bopandir ko botina' nantai, “Boko dosa kolai udah diamputi.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

2 Korintus 5:14

Apo alasan pakai' somuo porbuatan koi ia'an obai Kristus mongasihi koi. Obai koi tohu agatn ni'in: Aman siku' urakng udah mati pakai' somuo urakng, jadi somuo urakng nantai udah mati jam.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

Filipi 1:9

Ninam doaku pakai' kaitn: Mudahan kaitn mongkitn mongasihi Allah ongko urakng bukai ongko mongkitn mongotohu'i ongko mongoroti lapo inyo bondar

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

1 Yohanes 1:7

Apo, aman kito hidup di dalapm torakng, samo agatn Allah hidup dalapm torakng, jadi kito pan mondapat kosatuan agatn inyo bukainyo. Kito pan diborosihi doi' boko dosa kito obai darah Yesus, Ana'-Nyo.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Yohanes 4:19

Kito gola' mongasihi, obai Allah lobih doholu mongasihi kito.

1 Yohanes 5:3

Obai, aman kito mongasihi Allah rotinyo kito pan paca'an monuruti boko porintah-Nyo. Boko porintah-Nyo kinyo borat pakai' kito,