Lukas 7:41 - Porjanjian Boharu Torjomahan Baso Dilakng Soari-ari

⁴¹ Lalu Yesus mongajarnyo agatn poumpamoan ni'in, “Ado duo urakng inyo bohutakng ko siku' urakng inyo mominjapan duit. Siku' urakng bohutakng lima' ratus dinar, ongko inyo siku' bohutakng bayo lima' puluh dinar mo.

Lukas 7:41 ပူးပေါင်းရင်းမြစ်များ

Matius 18:28

Apo, hulutn nantai koluar lalu botomu agatn kawalnyo korojo inyo bohutakng ko io sobanya' upahnyo soratus ari korojo. Io monangkap huatan mongoci' kawalnyo nantai. Katonyo, ‘Bayar hutakng kolai!’

Matius 6:12

Amputicam kosalahan koi, samo sama'an koi pan moamputi sotiap urakng inyo bosalah ko koi.

Markus 6:37

Apo Yesus bopandir, “Kaitn aja'am moonji'i sia' pomakatn!” Timbas sia', “Kata'an Duatn honda' koi inyo botula' momboli roti pakai' moonji'i pomakatn ko somuo urakng ni'in? Inyo rogonyo kiro-kiro duo ratus pingkai' pira'!”

Lukas 11:4

Amputicam boko dosa koi, obai koi pan moamputi sotiap urakng inyo bosalah agatn koi. Tulukngcam koi oca' koi totap monuruti Duatn watu ado inyo moncubo'i koi oca' bulah dosa.’ ”

Lukas 12:48

Apo hulutn inyo kinyo mongotohu'i kohonda' habakngnyo, aman io molabuhan lou' inyo salah sampai gola' dihukupm, apo hukupan io kinyo borat. Aman Allah moonji'i banya' ko siku' urakng, Sio pan paca'an monuntut banya' doi' urakng nantai. Aman Allah moonji'i banyaꞌ tanggukng-jawab ko siku' urakng, Sio pan paca'an monuntut lobih banyaꞌ agi' doi' urakng nantai.”

Lukas 13:4

Sama'an nian jam borito mongonaꞌi dolapatn bolas urakng inyo mati watu monara Siloam di kota Yerusalem robah moninggakng sia'. Jangan bopikir nian tojadi ko sia' obai sia' lobih bodosa doi' boko urakng bukai di kota Yerusalem.

Lukas 7:40

Jadi Yesus bopandir ko io, “Simon, ado lou' inyo honda' Ku pandiran ko kolai.” Timbas Simon, “Pandiran cam, Guru.”

Lukas 7:47

Botina' ni'in samo samaꞌan urakng dalapm poumpamoan tontai inyo ado hutakng banyaꞌ ongko dihapus. Dosanyo inyo banyaꞌ nantai udah diamputi. Jadi, io monunju'an kasih ko Aku agatn banyaꞌ caro jam. Apo urakng inyo bopikir dosanyo bayo sodikit, ongko diamputi, jadi io bayo sodikit jam monunju'an kasihnyo.”

Roma 3:23

Obai, somuo urakng udah bodosa ongko udah kohilakan komulia'an Allah.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.