Lukas 7:37 - Porjanjian Boharu Torjomahan Baso Dilakng Soari-ari

³⁷ Ado siku' urakng botina' inyo tokonal di kota nantai obai hala hidup dalapm dosa. Watu io mondingaꞌ Yesus tongahan makatn di rumah urakng Farisi nantai, datakam io mombaba' sobotul minya' harupm.

Lukas 7:37 ပူးပေါင်းရင်းမြစ်များ

Lukas 5:32

Aku kinyo datakng pakai' moningkau kaitn inyo moanggap dirinyo bondar. Apo Aku datakng pakai' moningkau boko urakng moninggalan boko dosanyo oca' ulih diamputi.”

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

1 Petrus 4:18

Nantai sosuai agatn tulisan ni'in di dalapm Buku Suci, “Boko urakng inyo hidup bondar di hadapan Tuhatn pan, sia' uyuh mondapat kosolamant'an. Jadi, lapo inyo tajahan tojadi agatn boko urakng bodosa inyo molawatn Tuhatn?”

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

Lukas 18:13

Apo ponagih pajak nantai bodiritn jouh doi' somuo urakng bukai. Io monundu'an kopala'nyo obai mooso kinyo cucu' monongadah ko sorugo. Io momantu-mantu dadonyo obai monyosali boko dosanyo. Io bopandir, ‘Oi, Allah. Tulukng kasihibo aku. Aku ni'inan urakng inyo bodosa!’ ”

Lukas 5:30

Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Yohanes 11:2

(Maria ninam botina' inyo kalo monuyung minya' harupm di kaki Tuhatn, huatan momalit'i agatn rambutnyo.) Pas watu Lazarus sakit,

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

Yohanes 9:31

Kito tohu obai Allah co mondinga'an boko urakng bodosa. Allah mondinga'an boko urakng inyo taat agatn Sio.

Yohanes 9:24

Jadi, udah koduo kalinyo boko urakng Farisi nantai monggoyapi urakng inyo tontainyo buto nantai. Kato sia' ko io, “Pandirancam inyo sobondarnya di hadapan Allah. Koi tohu obai Yesus nantai am urakng bodosa.”

Lukas 19:7

Apo boko urakng inyo moniant Yesus botula' ko rumah Zakheus botuta'. Kato sia', “Uai! Sio monoluntukng di rumah urakng inyo bodosa.”

Lukas 7:34

Lopas nian Ana' Monsio datakng. Io makatn, minum, ongko sia' bopandir Io kaha', pomabu', kawal ponagih pajak ongko urakng bukai inyo bodosa.

Lukas 7:36

Ado siku' urakng Farisi bodamo Simon, mohundakng Yesus datakng ko rumahnyo pakai' makatn sosamo. Jadi, Yesus datakng ko rumah urakng Farisi nantai, huatan dudu' makatn.