Lukas 7:24 - Porjanjian Boharu Torjomahan Baso Dilakng Soari-ari

²⁴ Kali udah koduo murid Yohanes nantai pulakng, Yesus mula'i momandiran ko boko urakng banyaꞌ mongonaꞌi sopo sobondarnyo Yohanes nantai. Kato Yesus, “Timpu Yohanes di padakng pasir kaitn ko su'utan moniant la'apo. Pasti kaitn kinyo bayo moniant solamba'i doutn rumput inyo boguyakng dipuput angin.

Lukas 7:24 ပူးပေါင်းရင်းမြစ်များ

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Lukas 3:2

Watu nantai pomimpitn boko imam agama urakng Yahudi inyo bokodudu'an kotakng tinggi bodamo Hanas digonti agatn Kayafas. Timpu nantai Allah bopandir ko Yohanes, ana' Zakharia. Allah bopandir ko io, watu io tongahan di padakng pasir.

Lukas 1:80

Ana' Zakharia nantai mongkitn bosaram rohnyo pan mongkitn kuat. Io bodiapm di padakng pasir inyo langunt sampai io mula'i monyampaian borito ko banso Israel.

2 Petrus 3:17

Apo kaitn, boko somadikan inyo ku kasihi, kaitn udah mongotohu'i mongona'i hal nantai. Jadi, bojojagocam tohadap boko urakng nantai inyo kinyo honda' hidup sosuai agatn porintah Allah. Jangan sampai sia' mombulah kaitn pocayo ajaran inyo salah sampai kaitn kinyo agi' pocayo kuat ko Yesus Kristus.

2 Petrus 2:17

Boko guru palsu nantai ia'an samo sama'an mato ara'i inyo rangkai, samo sama'an agatn kabut inyo ditiup ulih angin bonakau. Allah udah monyodia'an tompat pakai' sia' inyo kotakan potakng.

Yohanes 1:23

Katonyo, “Watu joman komai Nabi Yesaya bopandir mongona'i urakng inyo tajahan datakng sobolupm Rajo Inyo Dijanjian Allah. Aku ninam urakng inyo mondorah di padakng pasir, ‘Bujurancam jalatn pakai' Tuhatn!’ ”

Lukas 7:23

Diborokati boko urakng inyo co gangga'-gua'an ongko monorima' Aku.”

Lukas 7:25

Jadi, kaitn botula' ko su'utn pakai' moniant la'apo? Pasti co pakai' moniant urakng inyo bopakaian boi'. Urakng dampu inyo hidupnyo bokocukupan pasti bodiapm dalapm istana kinyo di padakng pasir.