Lukas 7:2 - Porjanjian Boharu Torjomahan Baso Dilakng Soari-ari

² Di santai ado siku' powira tontara Romawi, ongko hulutnnyo sakit kuat, honda' matiam. Powira tontara nantai kotakan kidahnyo agatn hulutnnyo nantai.

Lukas 7:2 ပူးပေါင်းရင်းမြစ်များ

Kolose 3:22

Ko boko hulutn aku bopandir: kaitn gola' onsi' agatn habakng inyo di dunia ni'in dalapm somuo hal. Jangan bayo watu sia' moniant kaitn obai honda' monyonangan sia'. Apo taat'icam sia' agatn hati inyo jujur obai kaitn mohormati Tuhatn.

Lukas 23:47

Timpu kopala' pasukan moniant la'apo inyo udah tojadi, io momuji Allah. Lalu io bopandir, “Bondaram, Sio kinyo bosalah!”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Kisah Boko Rasul 27:43

Apo Yulius honda' monyolamant'an Paulus. Jadi io morarakng sia'. Io momorintahan somuo urakng inyo ulih bononang lobih doholu torojutn ko lout ongko bononang ko darat.

Kisah Boko Rasul 27:3

Kohobu'annyo, koi tuntukng di Sidon. Yulius komandatn pasukan nantai boi' hati agatn Paulus. Io moijitan Paulus turutn pakai' monjongu' boko kawalnyo di Sidon. Sia' ulih moonji'i la'apo inyo io pontikan.

Kisah Boko Rasul 27:1

Jadi, gubernur Festus momutusan obai Paulus gola' bolayar ko kota Roma di propinsi Italia. Festus monyorahan Paulus huatan boboropo urakng bukai inyo ditahatn ko siku' urakng powira. Damonyo Yulius. Io anggota doi' pasukan husus Kaisar negara Roma.

Kisah Boko Rasul 23:17

Jadi, Paulus moningkau salah siku' powira. Katonyo, “Tulukng baba' bobia' muda' ni'in ko komandatn pasukan. Ado inyo honda' io padahan ko komandatn.”

Kisah Boko Rasul 22:26

Mondinga' pomandiran Paulus nantai, powira nantai molaporannyo ko komandatn pasukan. Katonyo, “Komandatn, urakng nantai warga negara Roma! La'apo inyo honda' duatn labuhan?”

Kisah Boko Rasul 10:7

Ongko molekat nantai botula'. Lopas nantai, Kornelius moningkau duo hulutnnyo huatan siku' urakng projurit. Projurit nantai pan molayati Kornelius siku'. Projurit nantai hala moncubo monyonangan Allah jam.

Kisah Boko Rasul 10:1

Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia.

Lukas 7:1

Lopas jadi Yesus bopandir ko boko urakng banyaꞌ, ongko Yesus botula' ko Kapernaum sosamo agatn boko murid-Nyo.

Lukas 7:3

Jadi kali mondingaꞌ kisah mongonaꞌi Yesus, lalu io mongumpulan boko tokoh urakng Yahudi, ongko minto tulukng ko sia' pakai' monomu'i Yesus. Io monyiuh sia' minto Yesus datakng ko rumahnyo, oca' monyamani hulutnnyo nantai.