Lukas 7:16 - Porjanjian Boharu Torjomahan Baso Dilakng Soari-ari

¹⁶ Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Lukas 7:16 ပူးပေါင်းရင်းမြစ်များ

Matius 15:31

Urakng banya' nantai kagupm moniant boko inyo bisu ulih bopandir, urakng inyo timpakng ulih bojalatn, huatan urakng buto ulih moniant. Obai nantai, sia' somuo momuji Allah banso Israel.

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 28:8

Kotakan hagar sia' botula' doi' pasaran nantai. Agatn oso gola' apo kotakng rindakng, sia' bonggidi'an pakai' momadahan borito nantai ko boko murid Yesus.

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 1:65

Boko urakng inyo bodiapm di sokitarnyo kotakan hiratn. Borito mongona'i boko kojadian nantai monjadi pongkisahan soluruh doerah boko bukit Yudea.

Lukas 1:68

“Topujicam Tuhatn, Allah banso Israel! Allah datakng monulukng huatan mombebasan umant-Nyo.

Lukas 2:20

Ongko boko pongombolo domba bobali' ko padakng rumput kapikng momuji huatan mongatoan koboi'an Allah, obai somuo inyo udah sia' dinga' ongko sia' tiat, topat samaꞌan inyo dipadahan molekat nantai.

Lukas 24:19

Yesus botakutn, “Poristiwa la'apo inyo tojadi?” “Poristiwa inyo tojadi mongonaꞌi Yesus, urakng doi' laman Nazaret nantai,” kato sia'. “Sio nantai nabi inyo bokuaso doi' Allah. Sio bulah mujisat inyo luar biaso. Sio mongajar boko urakng agatn kotakng pintar-corodi'. Somuo urakng sonang agatn Sio. Apotolagi' Allah!

Lukas 5:26

Somuo urakng di santai hiratn, ongko momuji-muji Allah. Agatn porasa'an gola' sia' bopandir, “Ajaib bondar kojadian inyo kito tiat sari ni'in!”

Lukas 5:8

Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

Lukas 7:15

Samo-jatu' bobia' muda' nantai huas ongko mula'i bopandir. Lalu Yesus monyorahan bobia' muda' nantai ko indainyo.

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Lukas 8:37

Lalu boko pondudu' doerah Gerasa mominto Yesus moninggalan sia', obai sia' kotakng gola'. Ongko, jumpat am Yesus ko dalapm porohu sosamo boko murid-Nyo pakai' botula' bobali' ko soborakng danau.

Lukas 9:19

Timbas sia', “Ado inyo bopandir Duatn nantai Yohanes Pombaptis. Ado jam inyo bopandir Nabi Elia. Ado urakng bukai inyo bopandir salah siku' nabi bukainyo doi' joman komai inyo udah bobali' hidup agi'.”

Yohanes 1:21

“Aman ubo nian,” sia' botakutn ko io, “Duatn sopo? Kata'an duatn Nabi Elia doi' joman komai inyo datakng agi'?” Timbas Yohanes, “Bukai! Kata'an duatn Nabi nantaiam nabi inyo koi tantian?” Timbas io, “Bukai!”

Yohanes 1:25

Sia' botakutn ko io, “Duatn momadahan duatn bukainyo Kristus, bukainyo Nabi Elia, bukainyo Nabi inyo koi tantian. Amannyo ubo nian, mapo duatn mombaptis boko urakng?”.

Yohanes 4:19

Kato botina' nantai ko Sio, “Bopai, watu ni'in aku tohu obai Duatn ninam nabi.

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 9:17

Lalu, sia' botakutn agi' ko urakng inyo komainyo buto nantai, “Kolai ninam inyo Sio pulah monjadi ulih moniant. Jadi, la'apo pondapat kolai mongona'i Sio?” Kato urakng nantai, “Sio nianam nabi!”

Kisah Boko Rasul 5:5

Watu Ananias mondinga' pomandiran Petrus nantai, io lansukng matiam. Boboropo bobia' muda' datakng ongko momutut bangkainyo agatn koitn. Sia' mombaba' bangkainyo ko luar kota ongko momasarnyo. Somuo urakng inyo mondinga' kojadian nantai monjadi kotakan gola'.

Kisah Boko Rasul 7:37

Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’

Galatia 1:24

Jadi, sia' momuji Allah obai Allah udah morubah caro hidupku.