Lukas 7:13 - Porjanjian Boharu Torjomahan Baso Dilakng Soari-ari

¹³ Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:13 ပူးပေါင်းရင်းမြစ်များ

Markus 8:2

Kato Sio ko sia', “Aku kotakng salu' agatn boko urakng banya' ni'in. Udah tigo ari sia' bosamo agatn Aku. Watu ni'in sia' conyiant pomakatn.

Lukas 10:1

Lopas nian Tuhatn Yesus momilih tujuh puluh murid inyo bukai. Sio moutus sia' duo-duo urakng mondoholu'i Sio ko somuo kota ongko tompat inyo paca'an didataki-Nyo dalapm pojalatan ko kota Yerusalem.

Lukas 11:1

Pas ari nantai, Yesus bodoa di sobuah tompat. Watu Sio jadi bodoa, boko murid-Nyo bopandir agatn Sio, “Tuhatn, padahibo koi bodoa, samo agatn Yohanes mongajar boko muridnyo bodoa.”

Lukas 11:39

Yesus pan bopandir ko urakng Farisi nantai, “Kaitn boko urakng Farisi biasonyo momborosihi pirikng-mangku' tobi' luarnyo ja'am obai kaitn bopikir nantai paca'an monyonangan hati Allah. Apo di dalapm hati kaitn siku' ija' bisi agatn kotama'an huatan kojahatan.

Lukas 12:42

Yesus monimbas, “Pongajaran-Ku nantai pakai' sotiap urakng inyo pintar corodi' ongko sotia agatn Aku. Io samo ubo hulutn inyo sotia ongko pintar-corodi'. Habakngnyo moangkatnyo monjadi kopala' boko hulutn bukainyo. Habakngnyo moonji'i tanggukng-jawab ko io pakai' moonji'i pomakatn ko boko hulutn bukainyo pas watunyo.

Lukas 13:15

Lalu Tuhatn Yesus bopandir ko io huatan somuo urakng inyo bopikir samo samaꞌan io, “Kaitn boko urakng inyo pompadah boi', apo sobondarnyo jahat! Sotiap ari, tomansu' Ari Sabat, kaitn molopasan sapi damo koledai doi' kandakannyo, mombaba'nyo ko luar oca' sia' ulih minum ara'i. Nantai pan pokoroja'an jam.

Lukas 17:5

Ongko koduo bolas rasul nantai bopandir ko Tuhatn Yesus, “Pulahbo iman koi lobih kuat.”

Lukas 17:6

Timbas Yesus, “Aman iman kaitn ado sobosar bigi' sonsabi inyo kotakng kocit pan, soandainyo kaitn monyiuh tontanaman ni'in tocabut doi' tanah sampai ko akarnyo, ongko totanam di lout. Tontanaman ni'in pan tundu' agatn porintah kaitn.”

Lukas 18:6

Lalu Tuhatn Yesus bopandir, “Biar pan hakipm nantai kinyo adil, porotian kopintar-corodi'annyo pakai' bulah koputusan inyo adil pakai' botina' balu nantai.

Lukas 19:8

Lopas nian di rumahnyo, Zakheus bodiritn ongko bopandir ko Yesus, “Tuhatn, Aku bojanji moonju' sobagi'an doi' bando barakngku ko boko urakng jaro. Sotiap urakng inyo kalo aku kolakari, aku bojanji mombayar agi' ompat kali lipat!”

Lukas 22:61

Lalu Tuhatn Yesus mongilikng ko arah Petrus. Watu nian jam Petrus ingant pomandiran-Nyo tontai: ‘Watu ni'in jam kolai tajahan monyangkal Aku sampai tigo kali sobolupm manu' bokuku'.’

Lukas 24:3

Sia' mansu' ko dalapm pasaran nantai, apo moniant co nyiant am bangkai Tuhatn Yesus di santai.

Lukas 24:34

Somuo urakng inyo ado di santai bopandir ko sia' duo, “Tuhatn Yesus bondar-bondar udah bobali' hidup! Sio udah moniant'an diri ko Simon Petrus.”

Lukas 7:12

Watu Yesus hampikng ko pintu gerbakng kota Nain, sia' botomu agatn boko urakng inyo tongahan momikul bangkai siku' bobia' muda' ko luar kota. Bobia' muda' nantai ana' tunggal botina' balu. Banyaꞌ boko urakng kota Nain tuyut momasar ana' botina' balu nantai.

Lukas 7:14

Lalu Yesus mohampiki pompikulan lancakng bobia' muda' inyo mati nantai, ongko moncama'nyo. Boko urakng inyo momikul lancakng nantai botongga'. Kali sia' udah botongga' Yesus bopandir ko bobia' muda' inyo mati nantai, “Oi bujakng, huas cam!”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”

Lukas 8:52

Somuo urakng monangis, monggonang komatian bobia' nantai. Apo Yesus bopandir ko sia', “Jangan monangis. Bobia' nantai kinyo mati, bayo tidu' mo.”

Yohanes 11:2

(Maria ninam botina' inyo kalo monuyung minya' harupm di kaki Tuhatn, huatan momalit'i agatn rambutnyo.) Pas watu Lazarus sakit,

Yohanes 11:3

koduo somadikan botina'nyo nantai boposatn ko Yesus. Kato sia', “Tuhatn, somadikan koi inyo Duatn kasihi nantai tongahan boponyakit.”

Yohanes 20:13

Kato boko molekat nantai, “Mapo kolai monangis?” Timbas Maria, “Bangkai Tuhatnku udah dikuti'. Cuku tohu di mono Sio dilota'an.”

Yohanes 20:15

Kato Yesus ko io, “Mapo kolai monangis? Kolai monggoyapi sopo?” Maria pikir urakng nantai urakng inyo bokorojo di kobutn nantai. Jadi, Maria bopandir, “Bopai, aman Duatn momindahan bangkai-Nyo doi' si'itn, tulukng padahan ko aku di mono Kolai molota'an-Nyo oca' aku monguti'-Nyo, mombaba'-Nyo ko si'itan.”

Yohanes 4:1

Ado boko pomimpitn agama Yahudi doi' kolompok Farisi. Sia' mondinga' kabar obai urakng banya' monjadi murid Yesus lalu dibaptis-Nyo, lobih banya' daripado inyo dibaptis Yohanes.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.

1 Korintus 7:30

Sotiap urakng inyo bulikng gola' bolaku ubo urakng inyo kinyo bulikng. Sotiap urakng inyo rindakng-rigah gola' bolaku ubo urakng inyo kinyo rindakng-rigah. Sotiap urakng inyo momboli sosuatu gola' bolaku ubonyo barakng nantai kinyo umputn io.

1 Tesalonika 4:13

Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.