Lukas 6:8 - Porjanjian Boharu Torjomahan Baso Dilakng Soari-ari

⁸ Apo Yesus tohu agatn pomikiran sia'. Ongko, Yesus moningkau urakng inyo longan kanannyo mati nantai, “Bodiritn dipohadapan-Ku ni'in bo!” Urakng nantai maju, ongko bodiritn dipohadapan Yesus.

Lukas 6:8 ပူးပေါင်းရင်းမြစ်များ

Matius 9:4

Apo, Yesus mongotohu'i pikiran sia'. Jadi, Io bopandir, “Pikiran dalapm hati kaitn jahat!

Markus 3:3

Yesus bopandir ko urakng inyo longannyo mati sopia' nantai, “Mara, bodiritncam ko tongah!”

Lukas 13:12

Watu Yesus moniant botina' nantai, Yesus moningkau io ko muka'. Ongko Yesus bopandir, “Indai, watu ninam kolai nyamanam doi' ponyakit kolai.”

Lukas 5:22

Yesus tohu mo agatn pomikiran sia'. Jadi Sio bopandir ko sia', “Pomikiran di dalapm hati kaitn kotakan salah!

Lukas 6:9

Yesus bopandir agatn sia' nantai, “Aku honda' botakutn ko kaitn: La'apo inyo ulih kito korojoan timpu Ari Sabat? Bulah koboi'an ai kata'an bulah kojahatan. Monyolamant'an urakng kata'an mombonasoannyo?”

Yohanes 2:25

Sio co pontikng siku' urakng pakai' momadahannyo ko Sio mongona'i monsio, obai Sio tohu somuo inyo ado di dalapm hati monsio.

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Yohanes 9:4

Somanah ari ija' siakng, kito gola' mongorojoan boko pokoroja'an Sio inyo moutus Aku. Pas ari malapm, conyiant ado siku' urakng pan inyo ulih bokorojo.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

Kisah Boko Rasul 26:26

Rajo Agripa pan udah tohu mongona'i boko hal ni'in. Obai nantai, aku ulih bopandir agatn torus torakng ko io. Aku yakitn obai io udah kalo mondinga' mongona'i boko hal ni'in. Pasti io tohu somuonyo obai boko hal ni'in tojadi di boko tompat inyo dikotohu'i urakng banya'.”

Filipi 1:28

Jangan gola' tohadap boko urakng inyo molawatn kaitn ubo nantai. Nantai monjadi tando bagi sia' obai sia' tajahan bonaso. Nantai jam monjadi tando bagi kaitn obai kaitn tajahan disolamant'an. Somuonyo nantai doi' Allah.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.