Lukas 6:6 - Porjanjian Boharu Torjomahan Baso Dilakng Soari-ari

⁶ Timpu Ari Sabat bukainyo, Yesus mansu' ko rumah sombayakng, ongko mongajar. Di santai ado urakng, longan kanannyo mati.

Lukas 6:6 ပူးပေါင်းရင်းမြစ်များ

Yohanes 5:3

Banya' urakng sakit diulit'an di boko polantaran nantai: Ado boko urakng buto, boko urakng timpakng, boko urakng lumpuh. [Boko urakng sakit nantai monantian sampai ara'i di kolapm nantai bogolumbakng.

Lukas 4:31

Lopas nantai Yesus botula' ko kota Kapernaum di Galilea di santai Sio mongajar boko urakng pas Ari Sabat.

Lukas 4:16

Di doerah Galilea nantai, Yesus datakng ko Nazaret, tompat Sio dibosaran. Watu ari Sabat, Sio mansu' ko rumah sombayakng ubo biasonyo. Ongko, Sio bodiritn, maju ko muka' pakai' mombaco doi' Buku Suci.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Lukas 14:3

Lalu Yesus botakutn ko sia' boko guru agama Yahudi ongko boko urakng Farisi, “Monurut Porintah Allah inyo ditulis Musa dalapm Hukupm Torat, ulih cado monyamani siku' urakng timpu Ari Sabat?”

Lukas 13:10

Watu Ari Sabat, Yesus mongajar di sobuah rumah sombayakng.

Lukas 6:1

Timpu ari Sabat, Yesus ongko boko murid-Nyo bojalatn molalu'i lakau gandupm. Boko murid-Nyo momokis tangka'i gandupm ongko mongosa'nyo agatn jari sia' pakai' monyongkayoan johumannyo doi' bigi'nyo, ongko sia' pua'i bigi' gandupm nantai.

Lukas 6:5

Yesus bopandir kotakan togas ko sia', “Ana' Monsio bokuaso monontuan mono inyo bondar mono inyo salah mongonaꞌi Ari Sabat.”