Lukas 6:49 - Porjanjian Boharu Torjomahan Baso Dilakng Soari-ari

⁴⁹ Ado jam urakng bondinga'an pongajaran-Ku, apo kinyo molabuhannyo. Samo agatn urakng inyo moninjakan rumah apo pondasinyo kinyo kuat. Aman datakng pasakng rayo, ara'i sungai moluap ongko monumbu' rumah nantai, rumah nantai robah ongko kotakng ropu'-lolo.”

Lukas 6:49 ပူးပေါင်းရင်းမြစ်များ

Matius 23:3

Obai nantaiam, turuti huatan taat'icam somuo inyo sia' ajaran ko kaitn. Apo, sia' siku' co monjalatan la'apo pan inyo sia' ajaran. Obai nantaiam, jangan moniru boko porbuatan sia'.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

Yohanes 15:2

Sotiap dahatn inyo ado di Aku inyo kinyo bobuah, Bopai-Ku momancapnyo lalu mombuakan dahatn nantai. Apo, sotiap dahatn inyo bobuah, Bopai-Ku momborosihi dahatn nantai oca'nyo bobuah lobat.

Lukas 12:47

Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Lukas 6:46

“Kaitn co bondar aman ongkah moningkau Aku ‘Tuhatn’, apo kaitn co molabuhan la'apo inyo Ku siuh.

Markus 4:17

Apo sia' bayo pocayo kotakng oca' mo obai kinyo boakar. Aman sia' mohadapi pondorita'an damo disiksa obai sia' pocayo Pomandiran Allah, jadi sia' co honda' pocayo agi'.

2 Petrus 2:20

Doi' komai, sia' hidup di babah kuaso dosa. Apo, lopas nantai sia' ulih mongonal Yesus Kristus, Ponyolamant huatan Tuhatn inyo bokuaso pucu' kito. Obai nantai, sia' ulih tolopas doi' kuaso dosa nantai. Apo, watu ni'in sia' udah bobali' tokobat hidup sama'an nantai. Jadi, koadaan sia' watu ni'in lobih buru' doi' sobolupmnyo.

1 Tesalonika 3:5

Obai nantaiam aku gola' uti' Rajo Sitatn bohasil moncubo'i kaitn oca' co pocayo agi' ko Yesus. Soumpamonyo hal nantai tojadi, rotinyo somuo polayatan koi di antaro kaitn co nyiant pasalnyo. Aku co ulih monahan oso togonanganku agi', jadi aku moutus Timotius ko kaitn. Aku honda' mondinga' borito mongona'i kopocaya'an kaitn ko Yesus.

Kisah Boko Rasul 26:11

Aku pan opat mondorako'i sia' inyo kotomuanku dalapm boko rumah sombayakng. Aku bousaha momoso sia' pakai' co pocayo agi' agatn Yesus. Aku kotakan godi agatn sia' sampai aku monyasah sia'. Aku monyasah sia' ko boko kota bukai jam oca' aku dapat mondorako'i sia'.

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.

Lukas 19:27

Nah, ni'in mongonaꞌi boko musuhku nantai inyo kinyo honda' aku monjadi rajonyo. Baba'cam sia' ko si'itn. Bunuh somuonyo di hadapanku!’ ”

Lukas 19:14

Lopas jadi bangsawatn nantai botula', boko urakng di nogorinyo bonci' agatn io, monyiuh boko utusan nantai mombodapan oca' monyampaian posatn ko kopala' ponguaso di su'utn. Kato sia', ‘Koi bolai' urakng ni'in monjadi rajo koi.’

Matius 24:10

Banya' urakng paca'an kinyo pocayo agi' ko Tuhatn. Sia' paca'an hala bonci' huatan hala mohianati.

Lukas 6:48

Sia' samo agatn urakng inyo bulah rumah di pucu' pondasi inyo boi', sia' mongali lubakng kotakan dalapm oca' pondasinyo di pucu' batu. Jadi aman datakng pasakng rayo mohontapm rumah nantai, rumah nantai kinyo robah lalu kinyo hanyunt obai pondasinyo dipulah kotakng kuat.

Lukas 7:1

Lopas jadi Yesus bopandir ko boko urakng banyaꞌ, ongko Yesus botula' ko Kapernaum sosamo agatn boko murid-Nyo.